লাভ জেহাদ! : প্ৰথমে ফেইচবুকত বন্ধুত্ব, তাৰপিছত অপহৰণ কৰি নাবালিকাক ধৰ্ষণ ৪ সন্তানৰ পিতৃৰ
৪ সন্তানৰ এগৰাকী পিতৃয়ে এগৰাকী কিশোৰীৰ সৈতে ফেচবুকত বন্ধুত্ব কৰাৰ পিছত অপহৰণ কৰি নি ধৰ্ষণৰ কৰাৰ অভিযোগ উঠিছে।
এই জঘন্য ঘটনাটো সংঘটিত হৈছে উত্তৰ প্ৰদেশৰ মীৰাটত।
আৰক্ষী সূত্ৰই প্ৰকাশ কৰা ঘটনাৰ বিৱৰণী অনুসৰি মীৰাটৰ ৪ সন্তানৰ পিতৃ ৪২ বছৰীয়া আব্দুল্লা নামৰ লোকজনে এগৰাকী কিশোৰীৰ সৈতে ফেইচবুকৰ যোগেদি বন্ধুত্ব স্থাপন কৰে। ইতিমধ্যে লোকজনে তিনিবাৰ বিবাহ কৰি তিনি পত্নীৰ সৈতে সংসাৰো কৰি আছিল।
আৰক্ষীৰ জেৰাত লোকজনে স্বীকাৰ কৰিছে যে কিশোৰী গৰাকীক পচন্দ হোৱাৰ বাবে অমন নামেৰে তেওঁ এটা ফেইচবুক একাউন্ট খোলে। আৰু সেই নামৰ একাউন্টেৰে তেওঁ কিশোৰী গৰাকীৰ সৈতে ফেইচবুকত বন্ধুত্ব কৰে।
যোৱা ৩ ছেপ্টেম্বৰত আব্দুলা নামৰ লোকজনে কিশোৰা গৰাকীক লগ কৰে। তাৰ পৰাই লোকজনে কিশোৰী গৰাকীক কঙ্কৰখেদা অঞ্চল এক নিৰ্জন ঠাইলৈ অপহৰণ কৰি নি তাতে কেবা দিনো ধৰি উপযুপৰি ধৰ্ষণ কৰে।
ইফালে কেবাদিনো ধৰি ঘৰলৈ নহা দেখি পৰিয়ালৰ লোকে কিশোৰীগৰাকীক নিৰুদ্দেশ হোৱাৰ অভিযোগ দাখিল কৰে স্থানীয় আৰক্ষী থানাত।
পৰিয়ালৰ অভিযোগৰ ভিত্তিত আৰক্ষীয়ে অভিযান চলাই যোৱা বুধবাৰে কিশোৰী গৰাকীক উদ্ধাৰ কৰে।
কিশোৰী গৰাকীক উদ্ধাৰ কৰি চিকিৎসালয়ত ভৰ্তি কৰোৱা হৈছে। চিকিৎসাৰ কৰোৱাৰ লগতে স্বাস্থ্যৰ পৰীক্ষা কৰাও হ’ব বুলি আৰক্ষীয়ে জানিবলৈ দিয়ে।
ইতিমধ্যে অভিযুক্ত আব্দুল্লাক গ্ৰেপ্তাৰ কৰিছে আৰু আৰক্ষীৰ আগত নিজৰ অপৰাধ স্বীকাৰ কৰিছে বুলি জানিব পৰা গৈছে।