ধনেই নহয়, বিশাল মনো! দিনে ৩ কোটি টকা দান; ২.৫ লাখ কোটি টকাৰ মালিক এই ভাৰতীয় ব্যক্তিক জানেনে?

ধনীৰ তালিকাত দেশৰ ভিতৰতে তেওঁ তৃতীয় স্থানত আছে। তেওঁ প্ৰতিদিনে গড়ে ৩ কোটি টকা কেবল দানেই কৰে। কিন্তু এই ব্যক্তিজনে এসময়ত এটা সৰু গেৰেজত ব্যৱসায় আৰম্ভ কৰিছিল। বৰ্তমান তেওঁ কেইবালাখ কোটি টকাৰ মালিক। জানো আহক, তেওঁ কোন।

ৰাজধানী দিল্লীত তেওঁৰ দৰে ধনী মানুহ আৰু কোনো নাই। মুঠ সম্পত্তিৰ পৰিমাণ ২ লাখ সাত হাজাৰ সাতশ কোটি টকা। কেৱল দেশতে নহয়, তেওঁৰ কোম্পানীৰ নাম সমগ্ৰ বিশ্বই জানে। কিন্তু কেৱল তেওঁৰ অপৰিসীম ধন-সম্পত্তিৰ বাবেই নহয়, তেওঁ আন এটা কাৰণতো পৰিচিত। তেওঁ এগৰাকী বিশাল মনৰ মানুহ। এই ব্যক্তিজনে প্ৰতি বছৰে বিপুল পৰিমাণৰ ধন কেবল দান কৰে।

লগতে পঢ়ক: বিস্ময়! কান্ধৰ পৰা বিচ্ছিন্ন হোৱা মূৰ পুনৰ জোৰা লাগিল; অস্ত্ৰোপচাৰেৰে চিকিৎসকৰ অসাধ্য সাধন

শিৱ নাদেৰৰ কথা কৈছো। দিল্লীৰ এই ব্যৱসায়ীজনৰ নাম বৰ্তমান সমগ্ৰ বিশ্বতে জনাজাত। তেওঁ বিখ্যাত এইচ চি এল কোম্পানীটোৰ প্ৰতিষ্ঠাতা। এসময়ত পাঁচজন বন্ধুৱে মিলি ঘৰৰ গেৰেজৰ পৰাই আৰম্ভ কৰিছিল ব্যৱসায়। সেই সময়ত তেওঁলোকে মূলতঃ কেলকুলেটৰ আৰু কম্পিউটাৰৰ যন্ত্ৰাংশ তৈয়াৰ কৰিছিল।

সেই তাৰ পৰাই শিৱই নিজকে আন এক স্থানলৈ লৈ গ’ল। ইয়াৰ আঁৰত আছিল তেওঁৰ দূৰদৰ্শিতা আৰু সাধাৰণ মানুহৰ ভালপোৱা। যদিও সেই ভালপোৱাও তেওঁ নিজেই অৰ্জন কৰিছিল।

এজন লোক হিতৈষী হিচাপে তেওঁৰ সদায় সুনাম আছিল। কিন্তু ব্যৱসায় ঠন ধৰি উঠাৰ লগে লগে তেওঁ বিভিন্ন সামাজিক কাম কৰিবলৈ আৰম্ভ কৰে। তেওঁ বিপুল পৰিমাণৰ ধন বিদ্যালয়, মহাবিদ্যালয়, চিকিৎসালয়লৈ আগবঢ়ায়। ২০২২ চনত শিৱই বিভিন্ন কামৰ বাবে মুঠ ১১৬১ কোটি টকা দান কৰিছিল। যিটো গড়ে প্ৰতিদিনে ৩ কোটি টকা দান কৰাৰ সমান।

লগতে পঢ়ক: ওজন কমাবলৈ কৰা অস্ত্ৰোপচাৰৰ বাবেই মৃত্যু হৈছিল এলভিছ প্ৰেছলীৰ কন্যা লিজাৰ

সংস্থাটোৰ কৰ্মচাৰীসকলৰ বাবেও তেওঁ ত্ৰাণকৰ্তা। শিৱই বিভিন্ন সুযোগ সুবিধা দি সকলোৰে হৃদয় জয় কৰিছিল। বৰ্তমান তেওঁৰ কোম্পানীটোৰ বিশ্বৰ ৬০খন দেশত শাখা আছে। মুঠ কৰ্মচাৰীৰ সংখ্যা কেইবা লাখ।

কিন্তু এতিয়া তেওঁ কোম্পানীৰ সমগ্ৰ দায়িত্ব অকলেই চম্ভালিব পৰা নাই। তেওঁৰ কন্যা ৰোশনী নাদেৰে বহুখিনি পিতৃৰ দায়িত্ব কান্ধ পাতি লৈছে। এইগৰাকী চল্লিশ বছৰীয়া মহিলাও প্ৰায় ৮৫ হাজাৰ কোটি টকাৰ মালিক। পিতৃৰ দৰে তেওঁৰো দান দিয়াৰ স্বভাৱ আছে। একে সময়তে তেওঁ পিতৃৰ কোম্পানীৰ অধ্যক্ষ হিচাপেও তেওঁ দায়িত্ব লাভ কৰিছে।

লগতে পঢ়ক: ভাৰতৰ বজাৰলৈ আহিল BMW X5 ফেচলিফ্ট; ৯৪ লাখ টকাৰ পৰা আৰম্ভ দাম

তেওঁলোকৰ শিৱ নাদেৰ ফাউণ্ডেশ্যন নামৰ এটা দাতব্য সংস্থা আছে। ৰোশনী নিজেই তাৰ ট্ৰাষ্টী। সেয়ে প্ৰতি বছৰে তেওঁ এই সংগঠনৰ জৰিয়তে বৃহৎ পৰিমাণৰ ধন খৰচ কৰি সাধাৰণ ৰাইজৰ সেৱা আগবঢ়ায়। প্ৰতিদানো পায়, ইমানবোৰ মানুহক উপকৃত কৰি নাদেৰৰ পৰিয়ালে তেওঁলোকৰ হিয়া আজুৰি আশীৰ্বাদ লভিছে। সেই শক্তিৰে তেওঁলোকে এই বিশ্বমানৰ সংস্থাটোক আৰু অধিক উন্নত কৰিবলৈ সক্ষম হৈছে।