ইতিহাসত প্ৰথমবাৰৰ বাবে পাকিস্তানত ভাৰতীয় মিছনৰ নেতৃত্ব দিব এগৰাকী মহিলাই

স্বাধীনতাৰ পিছত প্ৰথমবাৰৰ বাবে পাকিস্তানত ভাৰতৰ মিছনৰ নেতৃত্ব দিব এগৰাকী মহিলাই। ইছলামবাদৰ নতুন চাৰ্জ ডি এফেয়াৰ্ছ (চিডিএ) হ’ব ২০০৫ চনৰ বেচৰ ভাৰতীয় বৈদেশিক সেৱাৰ বিষয়া গীতিকা শ্ৰীবাস্তৱ। নতুন দিল্লীলৈ ঘূৰি অহাৰ সম্ভাৱনা থকা ডাঃ এম সুৰেশ কুমাৰৰ ঠাইত স্থলাভিষিক্ত হ’ব গীতিকা।

বৰ্তমান দুয়োখন দেশৰ ৰাজধানীত দেশ দুখনৰ কূটনৈতিক প্ৰতিনিধিত্ব হ্ৰাস পাইছে। কোনো উচ্চায়ুক্ত নাই আৰু সৰ্বোচ্চ পদবীৰ কূটনীতিবিদজন হৈছে এজন চিডিএ যি যৌথ সচিব-পৰ্যায়ৰ বিষয়া। তেনে সময়তে চৰকাৰে এগৰাকী মহিলা আই এফ এছ বিষয়াক উক্ত পদত বাছনি কৰিছে। পাকিস্তানত তেওঁৰ উচ্চ আয়োগৰ নেতৃত্ব দিব।

লগতে পঢ়ক: কংগোত গীৰ্জাত প্ৰাৰ্থনাৰ সময়তে সন্ত্ৰাসবাদীৰ আক্ৰমণ; ১৪ জন লোকৰ মৃত্যু

বৰ্তমান বৈদেশিক পৰিক্ৰমা মন্ত্ৰালয়ৰ মুখ্য কাৰ্যালয়ত যুটীয়া সচিব হিচাপে কাৰ্যনিৰ্বাহ কৰি থকা শ্ৰীবাস্তৱে ইণ্ডো-পেচিফিক বিভাগৰ চোৱা-চিতা কৰে।

বিদেশী ভাষাৰ প্ৰশিক্ষণৰ অংশ হিচাপে মেণ্ডেৰিন শিকি অহা এজন ব্যক্তি হিচাপে তেওঁ ২০০৭-০৯ চনত চীনত থকা ভাৰতীয় দূতাবাসত কাম কৰিছিল। কলকাতাৰ আঞ্চলিক পাছপ’ৰ্ট কাৰ্যালয়ৰ লগতে বৈদেশিক পৰিক্ৰমা মন্ত্ৰালয়ৰ ভাৰত মহাসাগৰ অঞ্চল সংমণ্ডলৰ সঞ্চালক হিচাপেও তেওঁ কাৰ্যনিৰ্বাহ কৰি আহিছে।

১৯৪৭ চনৰ পৰা যেতিয়া শ্ৰী প্ৰকাশক তেতিয়াৰ পাকিস্তানৰ অধিৰাজ্যত ভাৰতীয় উচ্চায়ুক্ত হিচাপে পঠিওৱা হৈছিল, তেতিয়াৰ পৰা নতুন দিল্লীক সদায় পুৰুষ কূটনীতিবিদসকলে প্ৰতিনিধিত্ব কৰি আহিছে – তাত ২২ জন মিছন মুৰব্বী আছিল।

লগতে পঢ়ক: নামেৰী ৰাষ্ট্ৰীয় উদ্যানৰ সমীপৰ বিজেপি নেতাৰ ইক’ ৰিজ’ৰ্টৰ পৰা জব্দ হৰিণৰ মাংস

ইছলামবাদৰ শেষৰজন ভাৰতীয় উচ্চায়ুক্ত অজয় ​​বিছাৰিয়াক ২০১৯ চনত ৩৭০ অনুচ্ছেদ বাতিলৰ পিছত পাকিস্তানে উচ্চায়ুক্তৰ মৰ্যাদা হ্ৰাস কৰাৰ সিদ্ধান্ত লোৱাৰ পিছত তেওঁক ঘুৰাই অনা হয়। ইয়াৰ পূৰ্বে পাকিস্তানত মহিলা কূটনীতিবিদ নিযুক্তি দিছিল যদিও সৰ্বোচ্চ পৰ্যায়ত নহয়।