গিৰিজানন্দ চৌধুৰী বিশ্ববিদ্যালয়ত তথ্য বিজ্ঞানৰ নতুন পাঠ্যক্ৰম আৰু চতুৰ্থ বৰ্ষত পোনপটীয়া নামভৰ্তিৰ সুযোগ
গুৱাহাটীৰ গিৰিজানন্দ চৌধুৰী বিশ্ববিদ্যালয়ে বৰ্তমান সময়ৰ ক্ৰমবৰ্ধমান চাহিদা আৰু ৰাষ্ট্ৰীয় শিক্ষানীতি ২০২০ ৰ লক্ষ্যৰ সৈতে সংগতি ৰাখি দুটা নতুন আধুনিক স্নাতক মহলাৰ পাঠ্যক্ৰম আৰম্ভ কৰাৰ কথা ঘোষণা কৰিছে। এই নতুন পাঠ্যক্ৰম দুটা হৈছে গণিত আৰু তথ্য বিজ্ঞানৰ স্নাতক তথা অৰ্থনীতি আৰু তথ্য বিজ্ঞানৰ স্নাতক। এই শিক্ষা ব্যৱস্থাই শিক্ষাৰ্থীসকলক নিজা বিষয়ৰ গভীৰ জ্ঞান দিয়াৰ লগতে আধুনিক তথ্য বিজ্ঞানৰ দক্ষতাসমূহ আহৰণ কৰাত সহায় কৰিব যাতে তেওঁলোকে ভৱিষ্যতে বিত্ত, প্ৰযুক্তি, গৱেষণা আৰু উচ্চ শিক্ষাৰ ক্ষেত্ৰত নিজৰ উজ্জ্বল কেৰিয়াৰ গঢ়িব পাৰে। কলা, বিজ্ঞান আৰু বাণিজ্য শাখাৰ উত্তীৰ্ণ শিক্ষাৰ্থীসকলে এই নতুন পাঠ্যক্ৰমসমূহত নামভৰ্তিৰ সুবিধা লাভ কৰিব পাৰিব।
ইয়াৰ উপৰিও এই বিশ্ববিদ্যালয়ে অন্য বিশ্ববিদ্যালয়ৰ যোগ্য শিক্ষাৰ্থীসকলৰ বাবে চতুৰ্থ বৰ্ষত পোনপটীয়া নামভৰ্তিৰ এক বিশেষ সুযোগ উলিয়াইছে। যিসকল শিক্ষাৰ্থীয়ে কোনো ধৰণৰ বাকী থকা বিষয় নোহোৱাকৈ তিনি বছৰীয়া স্নাতক পাঠ্যক্ৰম সম্পূৰ্ণ কৰিছে আৰু নূন্যতম এশ বিশ ক্ৰেডিট লাভ কৰিছে, তেওঁলোকে এই বিশ্ববিদ্যালয়ৰ নিয়ম আৰু ক্ৰেডিট স্থানান্তৰ প্ৰক্ৰিয়া অনুসৰি চতুৰ্থ বৰ্ষত পোনপটীয়াকৈ নামভৰ্তি কৰি গৱেষণাৰ সৈতে স্নাতক সন্মান ডিগ্ৰী লাভ কৰিব পাৰিব। এই সমগ্ৰ ব্যৱস্থাই শিক্ষাৰ্থীসকলক শৈক্ষিক দিশত অধিক স্বাধীনতা আৰু উন্নত জীৱন গঢ়াৰ সুযোগ প্ৰদান কৰিব। বৰ্তমান বিশ্ববিদ্যালয়খনত নামভৰ্তিৰ প্ৰক্ৰিয়া চলি আছে আৰু এই বিষয়ে অধিক জানিবলৈ আগ্ৰহীসকলে বিশ্ববিদ্যালয়ৰ চৰকাৰী ৱেবছাইট চাব পাৰে অথবা ৯৬৭৮৭০৩২৯৩ আৰু ৯১০১৯৯৪৭৩৮ ফোন নম্বৰত যোগাযোগ কৰিব পাৰে।