হিজাব পিন্ধা ছোৱালী এজনীয়েই এদিন ভাৰতৰ প্ৰধানমন্ত্ৰী হ’ব, কোনে ক’লে?

কৰ্ণাটকৰ হিজাব বিতৰ্ককলৈ দেশজুৰি উত্তেজনা অব্যহত থকাৰ মাজতে আজি এই বিতৰ্কক নতুন ৰূপ প্ৰদান কৰি লোকসভাৰ সাংসদ আছাদুদ্দিন ৱাইচিয়ে ঘোষণা কৰে যে হিজাব পিন্ধা ছোৱালী এজনীয়েই এদিন ভাৰতৰ প্ৰধানমন্ত্ৰী হ’ব।

অল ইণ্ডিয়া মজলিস-ই-ইত্তেহাদুল মুছলিমিন মুছলিমিনৰ মুৰব্বী ৱাইচিয়ে দেওবাৰে এটা ভিডিঅ’ টুইট কৰে, য’ত তেওঁ কয় যে হিজাব পিন্ধা মহিলাসকলে মহাবিদ্যালয়লৈ যাব, জিলা সংগ্ৰাহক, দণ্ডাধীশ, চিকিৎসক, ব্যৱসায়ী মহিলা আদি হ’ব।

এজন দৰ্শকক সম্বোধন কৰি ওৱাইচিয়ে ভিডিঅ’টোত কোৱা শুনা যায়, “মই এনে দৃশ্য চাবলৈ জীয়াই নাথাকিব পাৰোঁ, কিন্তু মোৰ কথাবোৰ লিখি ৰাখক , এদিন হিজাব পিন্ধা ছোৱালী এজনীয়েই প্ৰধানমন্ত্ৰী হ’ব।”

তেওঁ লগতে কয়, যদি আমাৰ ছোৱালীবোৰে হিজাব পিন্ধি থকাৰ সিদ্ধান্ত লয় আৰু অভিভাৱকসকলে তেওঁলোকক সমৰ্থন কৰে তেন্তে তেওঁলোকক কোনে বাধা দিব পাৰিব বাৰু?

ইপিনে ৱাইছিৰ এনে মন্তব্যত প্ৰতিক্ৰিয়া ব্যক্ত কৰি উত্তৰ প্ৰদেশৰ উপ মুখ্যমন্ত্ৰী তথা বিজেপি নেতা দিনেশ শৰ্মাই কয়, “বিৰোধীয়ে উত্তৰ প্ৰদেশত সাম্প্ৰদায়িকতা বিয়পাবলৈ ষড়যন্ত্ৰ কৰিছে। সমাজবাদী পাৰ্টিৰ বি দলটো হৈছে এআইএমআইএম। ৰাজ্যখনত উন্নয়নৰ সুবাস আছে, সাম্প্ৰদায়িকতাৰ দুৰ্গন্ধৰ কোনো স্থান নাই।”

বিজেপিৰ তেলেংগানাৰ বিধায়ক টি ৰাজা সিঙেও কয় যে যেতিয়ালৈকে বিজেপি আছে, কোনো ‘বোৰ্খা-ৱালী’ প্ৰধানমন্ত্ৰী নহ’ব। ‘হাম দো হুমাৰে দো’ আইনো শীঘ্ৰেই কাৰ্যকৰী কৰা হ’ব বুলিও তেওঁ কয়।