গুৱাহাটী পৌৰ নিগমৰ নিৰ্বাচন: অসম জাতীয় পৰিষদৰ ‘সুপ্ৰভাত গুৱাহাটী’ শীৰ্ষক ইস্তাহাৰ মুকলি

বুধবাৰে অসম জাতীয় পৰিষদৰ মুখ্য কাৰ্যালয়ত “সুপ্ৰভাত গুৱাহাটী” শীৰ্ষক ইস্তাহাৰ মুকলি কৰিলে দলটোৰ সভাপতি লুৰিণ জ্যোতি গগৈ, সাধাৰণ সম্পাদক জগদীশ ভূঞা , মুখ্য উপদেষ্টা বসন্ত ডেকাই।

এইবেলি পৌৰ নিগমৰ নিৰ্বাচনত ২৫ টা ৱাৰ্ডত প্ৰাৰ্থী দিছে দলটোৱে । গুৱাহাটী পৌৰ নিগমক খীৰতি গাই হিচাপে চৰকাৰে ব্যৱহাৰ কৰাৰ অভিযোগ উত্থাপন কৰে অসম জাতীয় পৰিষদৰ নেতৃবৃন্দই।

চৰকাৰৰ সদ‌িচ্ছা , পৰিকল্পনাহীনতাৰ বাবেই গুৱাহাটীত উন্নয়ন হোৱা নাই বুলি মন্তব্য কৰে লুৰিণজ্যোতি গগৈয়ে।

দোষ্ট হবিবুৰ ৰহমানে গুৱাহাটীকলৈ গোৱা পেৰডি গানৰ আধাৰত অসম জাতীয় পৰিষদৰ ইস্তাহাৰ খন প্ৰস্তুত কৰা হৈছে। খোৱাপানীৰ যোগান, কৃত্ৰিম বান , জাৱৰ নিস্কাৰশন আদি বিষয়সমূহে স্থান পাইছে ইস্তাহাৰ খনত।

লগতে ষ্ট্ৰীট লাইট , চিচিটিভি কেমেৰাৰ ব্যৱস্থা কৰাৰ কথাও প্ৰকাশ পাইছে ইস্তাহাৰত।

বিদ্যুতৰ ৫০ ইউনিট বিনামূলীয়া কৰাৰ চেষ্টা কৰিব বুলিও দলটোৱে ইস্তাহাৰত প্ৰতিশ্ৰুতি দিছে।

ভৰলু নৈক প্ৰদূষণমুক্ত কৰিব নোৱাৰা, খোৱাপানীৰ সমস্যা সমাধান কৰিব নোৱাৰাৰ বাবে চৰকাৰক সমালোচনা কৰে অসম জাতীয় পৰিষদৰ নেতাসকলে।

গুৱাহাটীৰ চাৰিখন পানী যোগান আঁচনিৰ নামত হোৱা দুৰ্নীতিৰ কথাও উল্লেখ কৰে অসম জাতীয় পৰিষদৰ নেতৃত্বই।