এইবাৰ মহানগৰবাসীয়ে ঘৰতে লাভ কৰিব ছাগলীৰ মাংস; পশুধন আৰু হাঁহ-কুকুৰা উন্নয়ন নিগমে লৈছে ব্যৱস্থা

ল’কডাউনৰ ফলত মাংসৰ সোৱাদৰ পৰা বঞ্চিত আছিল মহানগৰ বাসী৷ নিজ নিজ স্থানত ব্ৰয়লাৰ মাংসৰ যোগান ধৰিছিল পশু পালন বিভাগে ৷

আজিৰে পৰা মহানগৰ বাসীয়ে সোৱাদ ল’ব পাৰিব ছাগলী মাংসৰ। ফোন কৰি ঘৰতে লাভ কৰিব পাৰিব ছাগলীৰ মাংস। গুৱাহাটীবাসীৰ বাবে এই বিশেষ ব্যৱস্থা জিলা প্ৰশাসনৰ ৷

যাৰ বাবে গুৱাহাটীত স্থাপন কৰা হৈছে কেইবাটাও নিয়ন্ত্ৰণ কক্ষ। নিজৰ ইচ্ছামতে ছাগলী বিক্ৰেতাই বিক্ৰী কৰিব নোৱাৰিব ছাগলী মাংস।

পশু চিকিৎসকে পৰীক্ষা কৰি ষ্টাম্প মাৰিলে কচাইসকলে বিক্ৰী কৰিব পাৰিব ছাগলী মাংস। স্বাস্থ্যসন্মত ছাগলী মাংসহে বিক্ৰী কৰিব পাৰিব।

কোনোবাই ছাগলী বিক্ৰী কৰিব খুজিলে যোগাযোগ কৰিব লাগিব নিয়ন্ত্ৰণ কক্ষৰ সৈতে ৷

খানাপাৰা নিয়ন্ত্ৰণ কক্ষৰ নম্বৰ- 9435185593
পশু খাদ্যৰ বাবে- 9435146959
পশু স্বাস্থ্যৰ বাবে- 9435298832

প্ৰশাসনে নিৰ্ধাৰণ কৰি দিছে এই মাংসৰ দাম। প্ৰতিকেজি ছাগলী মাংসৰ দাম ৬৫০ টকাকৈ নিৰ্দ্ধাৰণ কৰিছে প্ৰশাসনে।

গুৰুত্বপূৰ্ণ কথা এই যে প্ৰশাসনে নিৰ্ধাৰণ কৰি দিয়া মূল্যতকৈ কোনো কচাইয়ে অধিক মূল্য যদি লয় তেন্তে সেই ব্যক্তি বিৰুদ্ধে বিহিত ব্যৱস্থা গ্রহণ কৰিব প্রশাসনে।

উল্লেখ্য যে মহানগৰবাসীয়ে মাংস-কণী লাভ কৰাৰ বাবে প্ৰশাসনে নিধাৰণ কৰি দিয়া ভেণ্ডৰ সকলক ফোন কৰি অৰ্ডাৰ কৰিব লাগিব।

এই দায়িত্ব লৈছে পশুধন আৰু হাঁহ-কুকুৰা উন্নয়ন নিগমে। এই সমগ্ৰ বিষয়টো তদাৰক কৰিবৰ বাবে গঠন হৈছে ২০জনীয়া টাস্ক ফৰ্চ।