পদ্মশ্ৰী সন্মান লাভৰ পিছতেই সন্মানসহ প্ৰতিবাদত বহিল এজন খেলুৱৈ! কিন্তু কিয়!

সোমবাৰে ৰাষ্ট্ৰপতি ৰামনাথ কোবিন্দৰ পৰা পদ্মশ্ৰী বঁটা লাভ কৰাৰ এদিন পিছতে হাৰিয়ানাৰ মল্লযোদ্ধা বীৰেন্দ্ৰ সিঙে বুধবাৰে দিল্লীৰ হাৰিয়ানা ভৱনৰ বাহিৰত অনিৰ্দিষ্টকালৰ বাবে প্ৰতিবাদত বহি পৰিছে। ‘গুঙ্গা পেহেলৱান’ নামেৰে জনাজাত বীৰেন্দ্ৰই শ্ৰৱণ শক্তিহীন খেলুৱৈসকলৰ বাবে পেৰা খেলুৱৈৰ স্বীকৃতি দাবী কৰিছে।

বীৰেন্দ্ৰ সিঙে ২০০৫, ২০১৩ আৰু ২০১৭ চনৰ ডিফলিম্পিক্সত তিনিটা সোণৰ পদক লাভ কৰাৰ লগতে ২০০৯ চনৰ ডিফলিম্পিক্সত ব্ৰঞ্জৰ পদক জয়ী হৈছিল। তদুপৰি তেওঁ ২০১৬ চনত বিশ্ব বধিৰ কুস্তি চেম্পিয়নশ্বিপতো খিতাপ অৰ্জন কৰিছে। সেই প্ৰতিযোগিতাতে তেওঁ ২০০৮ আৰু ২০১২ ৰ সংস্কৰণত ৰূপ আৰু ব্ৰঞ্জ লাভ কৰিছিল।

বীৰেন্দ্ৰ সিঙে ৰাজীৱ গান্ধী ৰাজ্যিক ক্ৰীড়া বঁটা লাভ কৰাৰ উপৰিও ২০১৫ চনত অৰ্জুন বঁটা লাভ কৰিছিল।

মঙলবাৰে বীৰেন্দ্ৰ সিঙে সন্মানীয় পদ্মশ্ৰী বঁটা লাভ কৰাৰ আনন্দ প্ৰকাশ কৰি টুইটাৰত লিখে, ” ভাৰতৰ মাননীয় ৰাষ্ট্ৰপতি ৰামনাথ কোবিন্দ দেৱৰ পৰা পদ্মশ্ৰী বঁটা লাভ কৰি মই সঁচাকৈয়ে ধন্য। এই সন্মানীয় বঁটাৰ বাবে ভাৰত চৰকাৰৰ ওচৰত অত্যন্ত কৃতজ্ঞ।”

I am truly humbled and blessed to receive the Padma Shri award from our Hon’ble President of India Shri Ram Nath Kovind sir. Extremely grateful to the Government of India for this prestigious honour! 🙏 @rashtrapatibhvn #JaiHind🇮🇳 pic.twitter.com/aLutHF4QUA

— Virender Singh (@GoongaPahalwan) November 9, 2021

ইয়াক গৌৰৱৰ মুহূৰ্ত বুলি অভিহিত কৰি হাৰিয়ানাৰ মুখ্যমন্ত্ৰী মনোহৰ লাল খট্টৰেও অনুষ্ঠানটোৰ এখন ফটো শ্বেয়াৰ কৰি টুইটাৰত লিখে, “হাৰিয়ানাৰ পুত্ৰ আৰু ফ্ৰীষ্টাইল কুস্তিৰ পেৰা ৰেষ্টলাৰ শ্ৰীযুত বীৰেন্দ্ৰ সিংক ‘পদ্মশ্ৰী’ বঁটাৰে সন্মানিত কৰাটো ৰাজ্যখনৰ সকলো লোকৰ বাবে গৌৰৱৰ বিষয়। এই বঁটাৰ বাবে তেওঁক আন্তৰিক অভিনন্দন আৰু শুভেচ্ছা জনাইছো।”

मुख्यमंत्री जी आप मुझे पैरा खिलाड़ी मानते है तो पैरा के समान अधिकार क्यों नहीं देते,पिछले चार वर्ष से दर-दर की ठोंकरे खा रहा हूँ मैं आज भी जूनियर कोच हूँ और न ही समान केश अवार्ड दिया गया, कल इस बारे मे मैंने प्रधानमंत्री श्री @narendramodi जी से बात की हैं अब फैसला आपको करना है! https://t.co/DC6UydM7AV

— Virender Singh (@GoongaPahalwan) November 10, 2021

মুখ্যমন্ত্ৰীৰ এই টুইটৰ পিছতে মুখ্যমন্ত্ৰী গৰাকীক উপহাস কৰি পিছদিনা বীৰেন্দ্ৰ সিঙে টুইটত প্ৰতিক্ৰিয়া ব্যক্ত কৰে, “মুখ্যমন্ত্ৰী মহোদয়, যদি আপুনি মোক পেৰা খেলুৱৈ হিচাপে বিবেচনা কৰে, তেন্তে আপুনি আমাক পেৰা খেলুৱৈ হিচাপে সমান অধিকাৰ কিয় নিদিয়ে? মই এতিয়াও এজন কনিষ্ঠ প্ৰশিক্ষক আৰু মোক একো নগদ পুৰস্কাৰ দিয়া হোৱা নাই। কালি মই এই বিষয়ে প্ৰধানমন্ত্ৰীৰ সৈতে কথা পাতিছিলো। এতিয়া আপুনি সিদ্ধান্ত ল’ব লাগিব।”

माननीय मुख्यमंत्री श्री @mlkhattar जी आपके आवास दिल्ली हरियाणा भवन के फुटपाथ पर बैठा हूँ और यहाँ से जब तक नहीं हटूँगा जब तक आप हम मूक-बधिर खिलाड़ियों को पैरा खिलाड़ियों के समान अधिकार नहीं देंगे, जब केंद्र हमें समान अधिकार देती है तो आप क्यों नहीं? @ANI pic.twitter.com/4cJv9WcyRG

— Virender Singh (@GoongaPahalwan) November 10, 2021

পিছত তেওঁ ৰাষ্ট্ৰীয় ৰাজধানীত হাৰিয়ানা ভৱনৰ সন্মুখত বহি থকা এখন ফটো টুইট কৰি খট্টৰক সুধিছিল যে ৰাজ্য চৰকাৰে তেওঁলোকক কিয় পেৰা খেলুৱৈৰ সমান বুলি বিবেচনা নকৰে৷ “সন্মানীয় মুখ্যমন্ত্ৰী মহাশয়, মই আপোনাৰ বাসগৃহ দিল্লী হাৰিয়ানা ভৱনৰ ফুটপাথত বহি আছো আৰু আপুনি পেৰা খেলুৱৈৰ দৰে বধিৰ খেলুৱৈক সমান অধিকাৰ নিদিয়ালৈকে মই ইয়াৰ পৰা নাযাম৷ যেতিয়া কেন্দ্ৰই আমাক সমান অধিকাৰ দিব পাৰে, তেতিয়া আপুনি কিয় নোৱাৰে ?”