তামুলপুৰত গৰিয়া-মৰিয়া যুৱ ছাত্ৰ পৰিষদ আৰু নুৰাণী স্বেচ্ছাসেৱী সংগঠনৰ খাদ্য সামগ্ৰী বিতৰণ

ক’ৰ’নাৰ আতংকৰ বাবে প্ৰধান মন্ত্ৰী নৰেন্দ্ৰ মোদীৰ আহ্বানক সন্মান প্ৰদৰ্শন কৰি নিজৰ লগতে  মানৱ জাতিক ৰক্ষা কৰাৰ পণ লৈ নিজকে গৃহবন্দী কৰি তীব্ৰ খাদ্য সংকটত ভুগিছে দেশৰ দুখীয়া শ্ৰেণীৰ হাজাৰ বিজাৰ লোক।

এনে সংকটপূৰ্ণ মুহূৰ্তত আজি বাক্সা জিলাৰ তামুলপুৰ আঞ্চলিক গৰিয়া-মৰিয়া যুৱ ছাত্ৰ পৰিষদৰ বিষয়-ববীয়া সকল আৰু নুৰাণী স্বেচ্ছাসেৱী সংগঠনৰ বিষয় ববীয়া সকলে  দুখীয়া আৰ্তজনৰ ওচৰত থিয় দিছে।

আজি পুৱা তামুলপুৰ আঞ্চলিক গৰিয়া-মৰিয়া যুৱ ছাত্ৰ পৰিষদৰ সভাপতি আমিনুল হক চৌধুৰী আৰু সম্পাদক ৰুবুল আলিৰ নেতৃত্বত বিলপাৰ, দিমিলাপৰ, মাজদিয়া, কাঁহিবাৰী আদি গাঁৱৰ বিভিন্ন জাতি-জনগোষ্ঠীৰ ডেৰ শতাধিক দুখীয়া জনসাধাৰণ মাজত খাদ্য বস্তু বিতৰণ কৰে।

ইতিমধ্যে বিগত দুটা দিনত শতাধিক পৰিয়ালৰ মাজত ছাত্র সংগঠটোৱে আৰু স্বেচ্ছাসেৱী সংগঠনটোৱে সামাজিক ব্যৱধান বজাই ৰাখি খাদ্য সামগ্ৰী বিতৰণ কৰি মহানুভৱতাৰ পৰিচয় দাঙি ধৰিছে আৰু অঞ্চলটোৰ মুঠ পাঁচ শতাধিক পৰিয়ালৰ মাজত খাদ্য সামগ্ৰী বিতৰণ কৰিব বুলি প্ৰকাশ কৰিছে।

ছাত্র সংগঠনটোৰ সভাপতি আমিনুল হক চৌধুৰীয়ে লক ডাউনৰ সময়ত সকলোকে ঘৰৰ ভিতৰত আৱদ্ধ থাকি নিজৰ লগতে দেশবাসীক ৰক্ষা কৰাৰ বাবে আহ্বান জনায়।