“চৰকাৰে সত্যক ভয় কৰে; সেয়ে বিজয় দিৱসত উচ্চাৰণ নহ’ল ইন্দিৰা গান্ধীৰ নাম”— অভিযোগ ৰাহুল গান্ধীৰ
১৯৭১ চনৰ বাংলাদেশ মুক্তি যুদ্ধত পাকিস্তানৰ বিৰুদ্ধে ভাৰতৰ জয়ৰ স্মৰণীয় অনুষ্ঠানত কেন্দ্ৰীয় চৰকাৰে ইন্দিৰা গান্ধীৰ নাম উল্লেখ নকৰাক লৈ ক্ষোভ উজাৰে কংগ্ৰেছ নেতা ৰাহুল গান্ধীয়ে।
ৰাহুল গান্ধীয়ে কয় যে চৰকাৰে অনুষ্ঠানটোত ইন্দিৰা গান্ধীৰ নাম উল্লেখ কৰা নাই, কাৰণ চৰকাৰে সত্যক ভয় কৰে।
“আজি দিল্লীত বাংলাদেশ যুদ্ধসন্দৰ্ভত এক অনুষ্ঠান অনুষ্ঠিত হৈছিল। সেই অনুষ্ঠানত ইন্দিৰা গান্ধীৰ নামৰ কোনো উল্লেখ নাছিল। এই দেশৰ বাবে ৩২ টা গুলী লোৱা মহিলাগৰাকীৰ নাম নাছিল কাৰণ এই চৰকাৰে সত্যক ভয় কৰে।” ৰাহুল গান্ধীয়ে কয়।
ৰাষ্ট্ৰৰ বাবে কোনো ত্যাগ নকৰা পৰিয়ালে এই সত্য অনুভৱ কৰিব নোৱাৰে বুলিও মন্তব্য কৰে গান্ধীয়ে।
উল্লেখ্য যে, ১৯৭১ চনত ভাৰতে পাকিস্তানৰ বিৰুদ্ধে বাংলাদেশৰ মুক্তি যুদ্ধত অংশ লোৱাৰ সময়ত ইন্দিৰা গান্ধী ভাৰতৰ প্ৰধানমন্ত্ৰী আছিল।
আনহাতে কংগ্ৰেছ নেত্ৰী প্ৰিয়ংকা গান্ধী ভাদ্ৰাই আজিৰ বিজয় দিৱস উদযাপনৰ সময়ত প্ৰাক্তন প্ৰধানমন্ত্ৰী ইন্দিৰা গান্ধীৰ নাম উহ্য কৰাক লৈ অসন্তুষ্টি প্ৰকাশ কৰে।
“আমাৰ প্ৰথম আৰু একমাত্ৰ মহিলা প্ৰধানমন্ত্ৰী ইন্দিৰা গান্ধীৰ নাম বিদ্বেষী বিজেপি চৰকাৰৰ বিজয় দিৱস উদযাপনৰ পৰা বাদ দিয়া হৈছে। ৫০ তম বিজয় বাৰ্ষিকীত আমি সুঁৱৰিছো যে তেওঁ ভাৰতক বিজয়ৰ দিশলৈ লৈ গৈছিল আৰু বাংলাদেশক মুক্ত কৰিছিল।” প্ৰিয়ংকা গান্ধীয়ে এক টুইটত কয়।
Our first and only woman Prime Minister, Indira Gandhi is being left out of the misogynist BJP government’s Vijay Diwas celebrations. This, on the 50th anniversary of the day that she led India to victory and liberated Bangladesh…1/2 pic.twitter.com/Ymlm57Ji7e
— Priyanka Gandhi Vadra (@priyankagandhi) December 16, 2021
“নৰেন্দ্ৰ মোডীজী, মহিলাসকলে আপোনাৰ অক্ষাংশ বিশ্বাস নকৰে। আপোনাৰ পক্ষপাতিত্ব মনোভাৱ গ্ৰহণযোগ্য নহয়। এতিয়া আপুনি মহিলাসকলক তেওঁলোকৰ প্ৰাপ্য সন্মান দিয়া আৰম্ভ কৰাৰ সময়।” আন এটা টুইটত গান্ধীয়ে কয়।