চৰকাৰৰ কোটিটকীয়া প্ৰকল্প গৃহৰ জৰাজীৰ্ণ ৰূপ,মূল্যৱান সামগ্ৰী নষ্ট হোৱাৰ উপক্ৰম
২০১৬ চনত সেই সময়ৰ হস্ত তাঁত বস্ত্ৰ বিভাগৰ মন্ত্ৰী ৰঞ্জিত দত্তই উদ্ধোধন কৰিছিল যোৰহাট জিলাৰ টীয়কত টাই আহোম উন্নয়ন পৰিষদৰ তত্বাৱধানত শিপিনী সকলক প্ৰশিক্ষণ প্ৰদান কৰাৰ লগতে শিপিনী সকলে যাতে সমুহীয়াকৈ কাপোৰ বৈ নিজে স্বাৱলম্বী হব পাৰে সেই উদ্দেশ্যে নিৰ্মাণ কৰা কোটি টকীয়া এটা প্ৰকল্পৰ গৃহ ।
স্থানীয় বিধায়িকা ৰেণুপমা ৰাজখোৱা সহ বহু কেইগৰাকী ৰাজনৈতিক ব্যক্তিৰ উপস্থিতিত মন্ত্ৰী দত্তই এই প্ৰকল্পৰ পৰা অঞ্চলটোৰ মহিলা সকল কিদৰে উপকৃত হব তাৰ পৰিকল্পনা দেখুৱাইছিল ।
কিন্তু পৰৱৰ্তী সময়ত সেয়া যেন ফুটুকাৰ ফেন হোৱাৰ উপক্ৰম হল।
উদ্ধোধনতে যতি পৰিল কোটি টকীয়া প্ৰকল্পৰ গতি ।
সুদীৰ্ঘ দিন কোটি টকীয়া এই প্ৰকল্পটো বন্ধ হৈ থকাত জহি-খহি গৈছে গৃহৰ দুৱাৰ-খিৰিকী, টিনপাত ।
নষ্ট হোৱাৰ উপক্ৰম হৈছে বহু হাজাৰ টকীয়া অত্যাধুনিক শতাধিক তাঁতশাল ।
চৰকাৰী প্ৰকল্প এটাৰ আৰম্ভণি নহওতেই এনেদৰে শ্মাশন যাত্ৰা আৰম্ভ হোৱাত প্ৰতিক্ৰিয়াৰ সৃষ্টি হৈছে ।
শীঘ্ৰে এই প্ৰকল্পটো কাৰ্যক্ষম কৰাৰ দাবী জনাইছে ছাত্র সন্থাই ।