এক লিটাৰ গাখীৰৰ দাম ৫ হাজাৰ টকা! গাধৰ গাখীৰ বিক্ৰী কৰি কোটি টকাৰ গৰাকী গুজৰাটৰ যুৱক

অবিশ্বাস্য যদিও সত্য! গুজৰাটৰ এজন যুৱকে গাধৰ গাখীৰ বিক্ৰী কৰি বছৰি কোটি কোটি টকা উপাৰ্জন কৰি দৃষ্টান্ত দাঙি ধৰিছে। অবিশ্বাস্যভাৱে গুজৰাটত পোহৰলৈ আহিছে এনে এটা ঘটনা। যুৱকজনৰ নাম ধীৰেন সোলাংকি। তেওঁৰ ৪২টা গাধ আছে। গুজৰাটৰ পাটন জিলাৰ বাসিন্দা ধীৰেন। গাধৰ গাখীৰ বিক্ৰী কৰি ধীৰেন এতিয়া এজন কোটিপতিলৈ পৰিণত হৈছে।

ধীৰেনে কয় যে এক লিটাৰ গাধৰ গাখীৰ ৫ হাজাৰ টকাত বিক্ৰী হয়। দক্ষিণ ভাৰতৰ ৰাজ্যসমূহত গাধৰ গাখীৰৰ চাহিদা বৃহৎ। সেই ৰাজ্যসমূহত গাধৰ গাখীৰ যোগান ধৰি তেওঁ প্ৰতিমাহে ২-৩ লাখ টকা উপাৰ্জন কৰি আছে।

ধীৰেনে কয় যে তেওঁ চৰকাৰী চাকৰিৰ বাবে চেষ্টা কৰিছিল। কিন্তু লাভ কৰিবলৈ সক্ষম নহ’ল। অৱশেষত এটা ব্যক্তিগত কোম্পানীত চাকৰি পালে। কিন্তু পোৱা দৰমহাৰ লগে লগে ঘৰৰ খৰচ চলোৱাটো বৰ কষ্টকৰ হৈ পৰিল। তেতিয়াই আন কিবা এটা কৰাৰ চিন্তা মনলৈ আহে। তেওঁ জানিব পাৰিলে যে দক্ষিণ ভাৰতত গাধৰ গাখীৰৰ চাহিদা অতি বেছি। তেতিয়াৰ পৰাই তেওঁ চাকৰি এৰি গাধৰ গাখীৰৰ ব্যৱসায় কৰাৰ সিদ্ধান্ত লয়৷

ধীৰেনে লগতে কয় যে তাৰ পাছত তেওঁ কেইবাজনো লোকৰ লগত এই বিষয়ে কথা পাতিছিল। ইয়াৰ পাছত আঠ মাহ আগতে এই ব্যৱসায় আৰম্ভ কৰিছিল। এই ব্যৱসায়ত ২২ লাখ টকা বিনিয়োগ কৰি ধীৰেনে ২০টা গাধ ক্ৰয় কৰিছিল। ইয়াৰ পাছতে তেওঁ এখন ফাৰ্ম সাজে। এতিয়া সেই ফাৰ্মৰ গাখীৰ প্ৰতিদিনে দক্ষিণৰ ৰাজ্যলৈ যোগান ধৰা হৈছে। ধীৰেনে লগতে কয় যে ব্যৱসায়ৰ আৰম্ভণিতে বহু সমস্যাৰ সৃষ্টি হৈছিল। গুজৰাটত গাধৰ গাখীৰৰ চাহিদা নাই। ফলত দক্ষিণ ৰাজ্যসমূহ ধীৰেনৰ ব্যৱসায়িক লক্ষ্য হৈ পৰিল।ধীৰেনে কয় যে এক লিটাৰ গাধৰ গাখীৰৰ দাম ৫-৭ হাজাৰ টকা। এই গাখীৰ গুড়ি হিচাপেও বিক্ৰী কৰা হয়। ইয়াৰে এক কেজিৰ দাম এক লাখ টকা।