১২ বছৰীয়া কিশোৰীক যৌন নিৰ্যাতন চলোৱা ৬৫ বছৰীয়া এজন লোকক আটক হাজো আৰক্ষীৰ
মানব সমাজক লজ্জানত কৰা আন এক জঘণ্য ঘটনা পোহৰলৈ আহিছে তীৰ্থনগৰী হাজোত। হাজোৰ কোঁৱৰপুৰ বালাত সংঘটিত হৈছে এই ঘটনা।
৬৫ বছৰীয়া এজন লোকৰ কামনাৰ বলি হৈছে এগৰাকী ১২ বছৰীয়া কিশোৰী।
ঘৰত কোনো নথকাৰ সুযোগ লৈ কিশোৰী গৰাকীক কোঁৱৰপুৰ বালা অঞ্চলৰে চাইফত আলী নামৰ লোকজনে যৌন নিৰ্যাতন চলোৱাৰ অভিযোগ উত্থাপিত হৈছে।
কিশোৰী গৰাকীৰ ঘৰত কোনো নথকাৰ সুযোগ বুজি চাইফত আলী নামৰ নৰাধমে উপস্থিত হৈছিল কিশোৰী গৰাকীৰ ঘৰত। তাৰ পাছতে তামোল খোৱাৰ চলেৰে ঘৰৰ ভিতৰত প্ৰবেশ কৰি কিশোৰী গৰাকীক ৬৫ বছৰীয়া লম্পটজনে ধৰ্ষণ কৰাৰ অভিযোগ উত্থাপন কৰিছে কিশোৰী গৰাকীৰৰ পৰিয়ালৰ লোকে।
Latest News: আৰক্ষীৰ এনকাউন্টাৰত নিহত নৱগঠিত বড়ো উগ্ৰপন্থী সংগঠন ইউ এল বিৰ দুই কেডাৰ
এই ঘটনা সংঘটিত কৰাৰ পিছতেই, ঘৰত কিশোৰী গৰাকীৰ মাতৃ উপস্থিত হৈ অভিযুক্ত চাইফত আলীক কৰায়ত্ত কৰিব ওলোৱাৰ সময়তেই ছেগ বুজি পলায়ন কৰে লম্পটটোৱে।
এই ঘটনা সন্দৰ্ভত কিশোৰী গৰাকীৰ পৰিয়ালৰ লোকে হাজো আৰক্ষী থানাত এজাহাৰ দাখিল কৰাৰ পাছতে শুকুৰবাৰে নিশা অভিযুক্ত চাইফত আলীক আটক কৰিবলৈ সক্ষম হৈছে আৰক্ষীয়ে।
ইতিমধ্যে হাজো আৰক্ষীয়ে চাইফতক সোধাপোচা অব্যাহত ৰাখিছে।