কাৰখানা স্থাপনৰ আৰ্জিৰে হাৰিয়ানাৰ মুখ্যমন্ত্ৰীৰ কাষ চাপিল মহিলা; কৰিলে চন্দ্ৰলৈ প্ৰেৰণৰ উপহাস !
কৰ্মসংস্থাপনৰ বাবে অনুৰোধ জনাই হাৰিয়ানাৰ মুখ্যমন্ত্ৰী মনোহৰলাল খট্টৰৰ কাষ চাপিছিল এগৰাকী মহিলা। খট্টৰে দিলে মহিলাগৰাকীক চন্দ্ৰযান-৪ ত উঠাই চন্দ্ৰলৈ পঠিওৱাৰ প্ৰস্তাৱ। হাৰিয়ানাৰ মুখ্যমন্ত্ৰীৰ এনে মন্তব্যৰ পিছতে বিৰোধী কংগ্ৰেছ শিবিৰে তেওঁক মানুহৰ অনুভৱ, আৱেগ আৰু অধিকাৰক উপহাস কৰাৰ অভিযোগ উত্থাপন কৰিছে।
হাৰিয়ানা চৰকাৰৰ ‘জনসংবাদ’ কাৰ্যসূচী উপলক্ষে হিছাৰ জিলাত আছিল খট্টৰ। হাৰিয়ানাৰ মুখ্যমন্ত্ৰীয়ে হাৰিয়ানাৰ সাধাৰণ জনতাৰ সৈতে ‘জনসংবাদ’ কাৰ্যসূচীত তেওঁলোকৰ সুবিধা-অসুবিধা সম্পৰ্কে বাৰ্তালাপ কৰে।
লগতে পঢ়ক: গ্ৰেণ্ড শ্লেমৰ ফাইনেল পোৱা আটাইতকৈ বয়স্ক খেলুৱৈ; ইউ এছ অ’পেনত বিশ্ব অভিলেখ ৰোহন বোপান্নাৰ
বৃহস্পতিবাৰে কাৰ্যসূচীত যোগদান কৰিবলৈ খট্টৰে কুলানা গাঁৱলৈ যায়। তাত উপস্থিত এগৰাকী মহিলাই হাৰিয়ানাৰ মুখ্যমন্ত্ৰীক তেওঁৰ গাঁও ভটল জাতনত এটা কাৰখানা নিৰ্মাণ কৰিবলৈ আহ্বান জনায়। তেওঁ যুক্তি দিছিল যে এই কাৰখানাটো নিৰ্মাণ কৰিলে ওচৰৰ বহু গাঁৱৰ মহিলাসকলে কৰ্মসংস্থাপন লাভ কৰিব।
ইয়াৰ প্ৰত্যুত্তৰত খট্টৰে কোৱা শুনা যায়, “অহাবাৰ চন্দ্ৰযান-৪ চন্দ্ৰলৈ পঠিওৱা হ’ব। সেই মহাকাশযানত উঠাই তালৈ পঠিয়াই দিম, এতিয়া বহক।”
শেহতীয়াকৈ সমগ্ৰ ঘটনাৰ এটা ভিডিঅ’ও পোহৰলৈ আহিছে। কংগ্ৰেছ আৰু আম আদমী পাৰ্টিয়ে বৃহস্পতিবাৰে খট্টৰক ‘চন্দ্ৰযান’ মন্তব্যক লৈ আক্ৰমণ কৰে। দুয়োটা দলৰ কেইবাজনো নেতাই হাৰিয়ানাৰ বিজেপি চৰকাৰক গৰিহণা দি ভিডিঅ’টো ছ’চিয়েল মিডিয়াত শ্বেয়াৰ কৰিছে।
লগতে পঢ়ক: মানুহৰ হৃদয়ত যাযাবৰী শিল্পীৰ ঠিকনা! সুধাকণ্ঠৰ ওপজা দিনত একাঁজলি শ্ৰদ্ধাঞ্জলি
কংগ্ৰেছৰ জ্যেষ্ঠ নেতা ৰনদীপ সিং সুৰজেৱালাই ‘এক্স (এক্স-টুইটাৰ)’ হেণ্ডেলত ভিডিঅ’টো পোষ্ট কৰি লিখিছে, “নাৰীৰ প্ৰতি অৱজ্ঞা আৰু অসন্মান কেৱল বিজেপি আৰু আৰএছএছৰ ডিএনএত! ক্ষমতাৰ অহংকাৰত হাৰিয়ানাৰ বিজেপিৰ মুখ্যমন্ত্ৰীয়ে নিৰ্লজ্জভাৱে একেটাই নাৰী বিৰোধী মানসিকতা প্ৰদৰ্শন কৰিছে।”
"अगली बार #Chandrayaan जाएगा तो उसमें तुमको भेज देंगे।"
धिक्कार है ऐसे मुख्यमंत्री पर। जिन्हें जनता ने सेवा करने के लिए चुना था आज वही जनता का मज़ाक़ उड़ा रहे हैं।
महिला का अपराध इतना था कि उसने रोजगार के लिए फैक्ट्री मांगी
यही मांग अगर मोदी जी के अरबपति मित्रों ने अपने… pic.twitter.com/OERfbfaCGt
— AAP (@AamAadmiParty) September 7, 2023
তেওঁ লগতে মন্তব্য কৰে যে হাৰিয়ানাৰ সাধাৰণ জনতাই অতি সোনকালে বিজেপি চৰকাৰক উৎখাত কৰি গেৰুৱা শিবিৰক দিনতে “চন্দ্ৰ আৰু তৰা দেখুৱাব”।
হাৰিয়ানা কংগ্ৰেছ নেতা দিপেন্দ্ৰ সিং হুদা আৰু আপ নেতা অনুৰাগ ধানদাইও খট্টৰৰ এই মন্তব্যক তীব্ৰ গৰিহণা দিয়ে।