আয়াৰলেণ্ডত গণ প্ৰহাৰ এগৰাকী ভাৰতীয়ক! উলংগ কৰি ৰাজপথত পেলাই থৈ গ’ল ভাৰতীয় যুৱকক

এইবাৰ আয়াৰলেণ্ডত বৰ্ণবাদৰ বলি এজন ভাৰতীয়! আয়াৰলেণ্ডৰ ৰাজধানী ডাবলিনৰ ৰাজপথত এজন ভাৰতীয় লোকক প্ৰহাৰ কৰাৰ অভিযোগ। অভিযোগ অনুসৰি এদল যুৱকে ভাৰতীয় লোকজনক মাৰপিট কৰি উলংগ কৰি ৰাজপথত পেলাই দিয়ে। তেওঁলোকৰ প্ৰাৰম্ভিক ধাৰণা যে সেয়া আছিল বৰ্ণবাদৰ এটা কাণ্ড। অৱশ্যে ইয়াৰ আঁৰত আন কিবা কাৰণ আছে নে নাই সেই বিষয়েও তদন্ত চলি আছে।

আইৰিছ টাইমছৰ এক প্ৰতিবেদন অনুসৰি, ভুক্তভোগীৰ বয়স প্ৰায় ৪০ বছৰ। যোৱা ১৯ জুলাইত ডাবলিনৰ টালাব’ট অঞ্চলত সংঘটিত হোৱা এই ঘটনাটো স্থানীয় ৰাইজে ৰাজপথত ৰক্তাক্ত অৱস্থাত পৰি থকা অৱস্থাত উদ্ধাৰ কৰি চিকিৎসালয়লৈ লৈ যায়। উদ্ধাৰকাৰীয়ে দাবী কৰা মতে, তেওঁৰ মুখ, হাত-ভৰিৰ পৰা তেজ ওলাই আছে।

আক্রমণকাৰীয়ে দাবী কৰে যে ভাৰতীয়গৰাকীয়ে অঞ্চলটোত একাংশ শিশুৰ সৈতে অসৎ আচৰণ কৰিছিল৷ সেয়ে তেওঁৰ বিৰুদ্ধে ‘ব্যৱস্থা’ গ্ৰহণ কৰিছে। অৱশ্যে আইৰিছ আৰক্ষীয়ে সেই দাবী মানি ল’বলৈ অনিচ্ছুক। তেওঁলোকৰ মতে, ব্যক্তিজনৰ বিৰুদ্ধে মিছা অভিযোগ বিয়পাই ইচ্ছাকৃতভাৱে এই প্ৰহাৰৰ কৰা হৈছে। আয়াৰলেণ্ডত থকা ভাৰতৰ ৰাষ্ট্ৰদূত অখিলেশ মিশ্ৰই এই ঘটনাক গৰিহণা দিয়ে। এক্স পোষ্টত তেওঁ লিখিছে, “আশাকৰোঁ দোষীক শাস্তি দিয়া হ’ব।”

উল্লেখ্য যে এই ঘটনা স্বীকাৰ কৰিছে দেশৰ মন্ত্ৰী জিম অ’কেলাঘানে। তেওঁ এই সন্দৰ্ভত সম্পূৰ্ণ তদন্ত অব্যাহত থকা বুলি জানিবলৈ দিছে। একে সময়তে তেওঁ এইটোও স্বীকাৰ কৰিছে যে আয়াৰলেণ্ডত অনুপ্ৰৱেশকাৰীৰ ওপৰত অত্যাচাৰৰ সংখ্যা বৃদ্ধি পাইছে, যিটো নিন্দনীয়। জিমে দোষীৰ বিৰুদ্ধে কঠোৰ ব্যৱস্থা গ্ৰহণৰ আশ্বাস দিছে।