নিউ বঙাইগাঁও ৰে’লৱে জংচনত ৰে’লৰ পৰা বৃহৎ পৰিমাণৰ বাৰ্মিজ চুপাৰি জব্দ

ৰে’লযোগে বহিঃ ৰাজ্যলৈ সৰবৰাহ হৈ আছে অবৈধ বাৰ্মিজ চুপাৰি ৷ বৰ্তমানো বন্ধ হোৱা নাই অবৈধ চুপাৰিৰ বেহা ৷

শেহতীয়াকৈ বঙাইগাঁও চহৰৰ নিউ বঙাইগাঁও ৰে’লৱে জংচনত নামনিমুৱা অৱধ আসাম এক্সপ্ৰেছৰ পৰা বহিঃ ৰাজ্যলৈ গোপনে সৰবৰাহ কৰা বৃহৎ পৰিমাণৰ সন্দেহজনক অবৈধ বাৰ্মিজ চুপাৰি জব্দ হয় ৷

নিউ বঙাইগাঁও ৰে’লৱে জংচনৰ ৰে’লৱে আৰক্ষীয়ে এক গোপন সূত্ৰৰ পমখেদি নিউ বঙাইগাঁও আৰক্ষী পহৰা চকীৰ আৰক্ষীৰ সহযোগত চলোৱা যৌথ অভিযানত নামনিমুৱা অৱধ আছাম এক্সপ্ৰেছৰ পৰা বৃহৎ পৰিমাণৰ সন্দেহজনক বাৰ্মিজ চুপাৰিখিনি জব্ধ কৰিবলৈ সক্ষম হয় ৷

উল্লেখ্য যে দিল্লী অভিমুখী নামনিমুৱা অৱধ আছাম এক্সপ্ৰেছখন আহি নিউ বঙাইগাঁও ৰে’লৱে জংচনত অৱস্থান কৰাৰ পিচতে আগতীয়াকৈ লাভ কৰা গোপন সূত্ৰৰ পমখেদি ৰে’লৱে আৰক্ষীয়ে নিউ বঙাইগাঁও আৰক্ষীৰ সহযোগত ৰে’লখনৰ দবাত অভিযান চলায় ৷

এই অভিযানৰ সময়তে বহিঃ ৰাজ্যলৈ অবৈধভাৱে সৰবৰাহৰ কৰা বাবে ৭১ বস্তা সন্দেহজনক বাৰ্মিজ চুপাৰি উদ্ধাৰ কৰি জব্দ কৰা বুলি নিউবঙাইগাঁও জংচনৰ ৰে’লৱে আৰক্ষী বিষয়া সঞ্জীৱ চৌধুৰীয়ে সংবাদ মাধ্যমৰ আগত প্ৰকাশ কৰিছে ৷ চৰকাৰী ৰে’লৱে আৰক্ষী বিষয়া চৌধুৰীয়ে সংবাদ মাধ্যমৰ আগত প্ৰকাশ কৰা মতে ৷

এক চোৰাং চক্ৰই নাগালেণ্ডৰ ডিমাপুৰত চুপাৰিৰ বস্তাসমূহ অৱধ আছাম এক্সপ্ৰেছত উঠাইছিল আৰু বহিঃৰাজ্যলৈ বুলি কঢ়িয়া লৈ গৈ আছিল ৷ এই সংক্ৰান্তত চৰকাৰী ৰে’লৱে আৰক্ষীয়ে এটি গোচৰ ৰুজু কৰি তদন্ত অব্যাহত ৰাখিছে ।