চেম্পিয়নছ ট্ৰফীৰ বাবে ভাৰতীয় দল ঘোষণাঃ দীৰ্ঘবিৰতিৰ মূৰত প্ৰত্যাৱৰ্তন মহম্মদ ছামীৰ, আৰু আছে কোন কোন?

আজি ইংলেণ্ডৰ বিৰুদ্ধে আইচিচি চেম্পিয়নছ ট্ৰফী ২০২৫ আৰু তিনিখন মেচৰ এদিনীয়া শৃংখলাৰ বাবে দল ইণ্ডিয়াই ঘোষণা কৰে। অধিনায়ক ৰোহিত শৰ্মা আৰু মুখ্য নিৰ্বাচক অজিত আগৰকাৰে সংবাদমেল সম্বোধন কৰে। আটাইতকৈ ডাঙৰ কথা আছিল শ্বুবমান গীলক দলটোৰ উপ- অধিনায়ক হিচাপে নিযুক্তি দিয়াটো। যশপ্ৰীত বুমৰাহক নিৰ্বাচিত কৰা হয় যদিও আগৰকাৰে প্ৰকাশ কৰে যে ফেব্ৰুৱাৰী মাহত তেওঁৰ ফিটনেছৰ বিষয়ে অধিক স্পষ্টতা লাভ কৰিব পৰা যাব।

১৫ জনীয়া দলটোৰ বাবে সঞ্জু চেমছনতকৈ উইকেট ৰক্ষক হিচাপে কে এল ৰাহুল আৰু ঋষভ পন্তক অগ্ৰাধিকাৰ দিয়াৰ বিপৰীতে মহম্মদ চিৰাজৰ নাম বাদ পৰিল।

উল্লেখ্য যে, শুকুৰবাৰে ৰোহিত আৰু নিৰ্বাচকসকলৰ সৈতে হোৱা আলোচনাত নিজৰ মতামত দিয়া সংবাদমেলত মুখ্য প্ৰশিক্ষক গৌতম গম্ভীৰ উপস্থিত নাছিল।

বেটছমেন : ৰোহিত শৰ্মা, শুভমন গীল, যশস্বী জয়ছোৱাল, বিৰাট কোহলী, শ্ৰেয়াছ আয়াৰ

উইকেটৰক্ষক : কেএল ৰাহুল, ঋষভ পন্ত

অল-ৰাউণ্ডাৰ : হাৰ্দিক পাণ্ডিয়া, ৰবীন্দ্ৰ জাডেজা, অক্ষৰ পেটেল, ৱাশ্বিংটন সুন্দৰ

বলাৰ : যশপ্ৰীত বুমৰাহ, মহম্মদ শামী, আৰ্শদীপ সিং, কুলদীপ যাদৱ