ঢাকাত বিজয়া দশমী উদযাপনত ব্যস্ত উচ্চায়ুক্ত-ৰামকৃষ্ণ মিছন, হিন্দু নিৰ্য্যাতন ক’ত?
বাংলাদেশৰ সংখ্যালঘু, মূলতঃ হিন্দুসকলক, ভাৰতৰ নাগৰিকত্ব প্ৰদানৰ বাবে শাসকীয় বিজেপি আৰু একাংশ সংগঠনে “নিৰ্য্যাতন”ৰ দোহাই দি অহাৰ বিপৰীতে ঢাকাত মুক্তভাৱে বিজয়া দশমী উদযাপনত কৰিছে ৰামকৃষ্ণ মিছন।
ঢাকাস্থিত ভাৰতীয় উচ্চায়ুক্ত হৰ্ষ বৰ্ধন স্ৰিংলাক তেওঁৰ কাৰ্য্যালয়ত বিজয়া দশমী উপলক্ষে শুভেচ্ছা জনাই সাক্ষাৎ কৰে মহানগৰখনৰ ৰামকৃষ্ণ মিছন আৰু মঠৰ মুৰব্বী স্বামী ধ্ৰুৱেচানন্দই।
দেওবাৰে ভাৰতীয় উচ্চায়ুক্ত কাৰ্য্যালয়ে বিভাগীয় টুইটাৰ হেণ্ডলত এই কথা প্ৰকাশ কৰিছে।
২১ অক্টোবর ২০১৮ হাই কমিশনার শ্রী হর্ষ বর্ধন শ্রিংলা #ঢাকা #রামকৃষ্ণ মঠ ও মিশনের সভাপতি স্বামী ধ্রুবেশানন্দকে হাই কমিশনে স্বাগত জানান এবং শুভ বিজয়া দশমীর শুভেচ্ছা বিনিময় করেন। pic.twitter.com/1bG1YYq6c6
— India in Bangladesh (@ihcdhaka) October 21, 2018
সদ্যসমাপ্ত দুৰ্গা পূজাত বাংলাদেশৰ সৰ্ব বৃহৎ মন্দিৰ ঢাকেশ্বৰীত বুধবাৰে সেৱা আগবঢ়াইছিল উচ্চায়ুক্ত স্ৰিংলাই। মহা অষ্টমীৰ পূজাত ভক্তৰ মাজত প্ৰসাদো বিতৰণ কৰিছিল উচ্চায়ুক্তজনে।
ঐতিহাসিক ঢাকেশ্বৰী মন্দিৰ ইছলামী ৰাষ্ট্ৰখনত তাৎপৰ্য্যপূৰ্ণভাৱে ৰাষ্ট্ৰায়ত্ব। “ঢাকেশ্বৰী”ৰ অৰ্থ ঢাকাৰ দেৱী।
লগতে পঢ়ক– বাংলাদেশৰ মন্দিৰলৈ দুৰ্গা পূজাত ভূমি দান প্ৰধান মন্ত্ৰী হাছিনাৰ!
হিন্দু বাঙালীৰ “নিৰ্য্যাতন” আৰু নাগৰিকত্বক লৈ অসমৰ খিলঞ্জীয়াৰ নিদ্ৰা হৰণ হোৱাৰ সময়ত পূৰ্বতকৈ দুৰ্গা পূজাৰ সংখ্যা বৃদ্ধি পাইছে বাংলাদেশত।
ইছলামী দেশখনত “বাঙালীৰ জাতীয় উৎসৱ”ৰূপে সন্মান আৰু উদযাপন কৰা হয় দুৰ্গা পূজা।