আৰম্ভ হ’ল আইপিএল উন্মাদনা! কিংম্বদন্তী দৌৰবিদ উছেইন ব’ল্টে পিন্ধিলে আৰচিবিৰ জাৰ্চি
চলিত বৰ্ষৰ ইণ্ডিয়ান প্ৰিমিয়াৰ লীগৰ ১৪সংখ্যক সংস্কৰণলৈ মাজত মাত্ৰ ২দিন বাকী।
এই লৈ সমগ্ৰ বিশ্বৰ ক্ৰিকেটানুৰাগীসকলৰ চকু ভাৰতৰ ওপৰত।
ইতিমধ্যে দেশ-বিদেশৰ কেইবাজনো তাৰকা ক্ৰিকেটাৰে ভাৰতত আহি বাহৰ পাতিছে।
আইপিএলৰ উন্মাদনাৰ পৰা সাৰি যোৱা নাই বিশ্বৰ অন্যতম বেগী মানৱ উছেইন ব’ল্টো।
বুধবাৰে, অলিম্পিকবিজয়ী কিংম্বদন্তী দৌৰবিদ ব’ল্টে সামাজিক মাধ্যমযোগে আইপিএলৰ দল ৰয়েল চেলেঞ্জাৰ্ছ বাংগালুৰুৰ (আৰচিবি) জাৰ্চি পিন্ধি এখন ফটো প’ষ্ট কৰি দলটোক সমৰ্থন জনাইছে।
Challengers, just letting you know, I’m still the fastest cat around. @imVkohli @ABdeVilliers17 @pumacricket @RCBTweets pic.twitter.com/cIz3dmW3uI
— Usain St. Leo Bolt (@usainbolt) April 7, 2021
উল্লেখযোগ্য যে ছাত্ৰাৱস্থাত ক্ৰিকেট খেলি ভালপোৱা দৌৰবিদজন বৰ্তমানেও খেলবিধৰ প্ৰবল অনুৰাগী।
বুধবাৰে আৰচিবিৰ জাৰ্চি পৰিধান কৰি দৌৰবিদজনে দলটোৰ অধিনায়ক বিৰাট কোহলী আৰু বেটছমেন এবি ডি ভিলিয়াৰ্ছক শুভকামনা জনাইছে।
উল্লেখযোগ্য যে বৰ্তমানলৈকে আইপিএলৰ খিতাপ অজৰ্ন কৰি নোৱাৰা বহু চৰ্চিত দলটোৱে চলিত বৰ্ষত কেইবাজনো নামী দামী তাৰকা ক্ৰিকেটাৰক দলত অন্তৰ্ভূক্ত কৰিছে।
দলটোৰ মূল ভৰসা হৈছে অধিনায়ক বিৰাট কোহলী, অলৰাউণ্ডাৰ গ্লেন মেক্সৱেল, উইকেটকীপাৰ এবি ডি ভিলিয়াৰ্ছ, স্পীনাৰ য়ুজভেন্দ্ৰ চাহাল, অলৰাউণ্ডাৰ ৱাশ্বিংটন সুন্দৰ, স্পীনাৰ আডম জাম্পা, ফাষ্ট বলাৰ নৱদ্বীপ চাইনী, মহম্মদ চিৰাজ, কেন ৰিচাৰ্ডছন, ডান খ্ৰীষ্টিয়ান আৰু কাইলী জেমিছন।
তেওঁলোকে ৯ এপ্ৰিলত মুম্বাই ইণ্ডিয়ানছৰ বিৰুদ্ধে চলিত বৰ্ষৰ আইপিএলৰ অভিযান আৰম্ভ কৰিব।