শীতত তুলিছে উষ্ণতা! ‘ইস্ক জেইছা কুচ’ গীতৰ টিজাৰ মুকলি; হৃতিক-দীপিকাৰ ৰসায়নে দৃষ্টি কাঢ়িছে সকলোৰে

হৃতিক-দীপিকাৰ বাতৰিয়ে শিৰোনামা দখল কৰা আজি যথেষ্ট দিন হ’ল। ২০২৪ ত আহি আছে তেওঁলোকৰ নতুন ছবি ফাইটাৰ। তাৰ আভাস পোহৰলৈ আহিছে।

ছবিখনৰ ফাৰ্ষ্ট লুকত দীপিকা আৰু হৃতিকক বায়ুসেনাৰ ইউনিফৰ্মত দেখা গৈছে। একেদৰে অনিল কাপুৰেও বায়ুসেনাৰ সাজ-পোছাক পৰিধান কৰি দেখা দিছে। তাৰ পিছত মুক্তি পালে ছবিখনৰ টিজাৰ। ছবিখনৰ দুটা গীত এটাৰ পিছত এটাকৈ মুক্তি পাইছে।

ছবিখনত হৃতিক ৰোশন আৰু দীপিকাই যে যাদু দেখুৱাব সেয়া কোৱা বাহুল্য। ‘শ্বেৰ খুল গায়’ গীতটোত তাৰ আভাস পোৱা গৈছে। এই গীতটোত তেওঁলোকক বেছ হট দেখা গৈছে। গীতটি নিমিষতে ভাইৰেল হৈ পৰে। আৰু এতিয়া ছবিখনৰ নতুন গীতটোতো তাৰেই আভাস ওলাইছে।

মুক্তি পালে ‘ইস্ক জেইছা কুচ’ গীতটোৰ টিজাৰ। দীপিকা আৰু হৃতিক দুয়োকে বৰ আকৰ্ষণীয় দেখা গৈছে। টিজাৰৰ আৰম্ভণিতে হৃতিক সাগৰৰ পৰা ওলাই অহা দেখা যায়। বিচত আকৰ্ষণীয়ভাৱে পোজ দিয়া দেখা গ’ল দীপিকাক। লগতে ‘ইস্ক জেইছা কুচ’ গীতটোৰ কিছু ঝলক।

এই ছবিখনৰ লগতে এই গীতটোতো দীপিকা আৰু হৃতিক ৰোমাঞ্চত ডুব যাব। দুয়োকে গীতটোত বৰ হট দেখা গৈছে। গানটোত তেওঁলোকক হট লুক নিমিষতে ভাইৰেল হৈ পৰিছে।

অহা জানুৱাৰী মাহত আহি আছে ছবিখন। হৃতিকে সিদ্ধাৰ্থ আনন্দৰ লগত কাম কৰিছে। এয়া তেওঁলোকৰ তৃতীয়টো কাম। ২০১৪ চনত মুক্তি পাইছিল সিদ্ধাৰ্থ আনন্দ আৰু হৃতিকৰ বেং বেং। তাৰ পিছত ২০১৯ চনত পুনৰ হৃতিকে সিদ্ধাৰ্থৰ সৈতে কাম কৰে। মুক্তি পায় ৱায়াৰ। এইবাৰ পুনৰ মুক্তি পাবলৈ গৈ আছে ফাইটাৰ।

Hone laga hai.. #IshqJaisaKuch! Song out on Friday, 22nd December.#Fighter #FighterOn25thJan #FighterMovie pic.twitter.com/LWbPjMMnI9

— Hrithik Roshan (@iHrithik) December 20, 2023

এই ফাইটাৰ ছবিখনত হৃতিকে স্কোৱাড্ৰন লীডাৰ শামশেৰ পাঠানিয়াৰ চৰিত্ৰত অভিনয় কৰিছে। পেটীৰ চৰিত্ৰত তেওঁক দেখা যাব। একেদৰে অনিল কাপুৰে ৰকিৰ চৰিত্ৰত অভিনয় কৰিছিল। মিনিৰ চৰিত্ৰত দেখা যাব দীপিকাক। মুঠতে বিভিন্ন বিষয়ক লৈ বাতৰিৰ শিৰোনাম দখল কৰিছে ফাইটাৰে।