“চিন্তা কৰিবলগা নাই” : মহাশূন্যত বন্দী সুনীতাক লৈ মন্তব্য ইছৰোৰ মূৰব্বীৰ

কথা আছিল তৃতীয়বাৰৰ বাবে মহাকাশ ভ্ৰমণলৈ যোৱা মহাকাশচাৰী সু্নীতা উইলিয়ামছ ১৩ জুনত পৃথিৱীলৈ ঘূৰি আহিব। কিন্তু যিখন বাহনত তেওঁ ঘূৰি অহাৰ কথা আছিল সেই বাহন খনত হ’ল যান্ত্ৰিক বিজুতি। যাৰ বাবে পৃথিৱীলৈ ঘূৰি আহিব পৰা নাই উইলিয়ামছ।

সুনীতা ঘূৰি আহিবলগা বাহনখনত হোৱা যান্ত্ৰিক বিজুতিৰ বাবে বাঢ়ি গৈছিল উদ্বিগ্নতা আৰু ভয়। অৱশ্যে ভাৰতীয় মহাকাশ গৱেষণা সংস্থাৰ মুৰব্বী এছ সোমনাথে দিয়া এক বাৰ্তাৰ পিছত সকাহ লাভ কৰিছে সুনীতাৰ অনুৰাগী সকলে।

সোমনাথে কয়, “সুনীতাৰ উভতি অহাৰ ক্ষেত্ৰত চিন্তা কৰিবলগা একো নাই। এয়া কেৱল সুনীতাৰ ক্ষেত্ৰতে নহয়, যিকোনো মহাকাশচাৰীৰ ক্ষেত্ৰতে এনেকুৱা সমস্যা হ’ব পাৰে।

সোমনাথে জনোৱা মতে মহাকাংশ সংস্থাই সুনীতাক সুকলমে ঘূৰাই অনাৰ সকলো ব্যৱস্থা গ্ৰহণ কৰিছে। লগতে মহাকাশ কেন্দ্ৰত দীৰ্ঘদিন থাকিবলৈ অতি নিৰাপদ স্থান। চিন্তাৰ কোনো কথা নাই।

ইফালে নাছাই কয় যে আন্তঃৰাষ্ট্ৰীয় মহাকাশ কেন্দ্ৰত সুনীতা আৰু তেওঁৰ সতীৰ্থ বুচ উইলম’ৰ সম্পূৰ্ণ নিৰাপদ। ইয়াত খাদ্যৰ পৰা আৰম্ভ কৰি দৈনন্দিন প্ৰয়োজনীয় সামগ্ৰীলৈকে সকলো আছে। এই ষ্টেচনটো এনেদৰে নিৰ্মাণ কৰা হৈছে যাতে মহাকাশচাৰীসকলে দীৰ্ঘদিন থাকিব পাৰে। ফলত আতংকিত হ’বলগীয়া একো নাই।