চন্দ্ৰৰ আৰু কাষ চাপিল চন্দ্ৰযান-৩; ইছৰ’ই মুকলি কৰিলে কেইবাটাও ভিডিঅ’
ইছৰোৰ চন্দ্ৰযান-৩ চন্দ্ৰৰ আৰু কাষ চাপিল। শুকুৰবাৰে চন্দ্ৰযান-৩ৰ চন্দ্ৰ অৱতৰণৰ পথত আৰু এঢাপ আগবাঢ়িল। প্ৰপালচন মডিউলৰ পৰা পৃথক কৰাৰ পিছত ডিবুষ্টিং প্ৰক্ৰিয়া সম্পূৰ্ণ হয়। আৰু ডিবুষ্টিং প্ৰক্ৰিয়া আৰম্ভ হোৱাৰ আগতে চন্দ্ৰযানৰ কেমেৰাত চন্দ্ৰপৃষ্ঠৰ আৰু কিছু ছবি আৰু ভিডিঅ’ ধৰা পৰিছে। ইছৰ’ই সেই ছবি মুকলি কৰিলে।
প্ৰপালচন মডিউলৰ পৰা পৃথক হোৱাৰ আগৰ আৰু পিছৰ ভিডিঅ’ মুকলি কৰিছে ইছৰোৱে। চন্দ্ৰযান-৩য়ে ১৫ আগষ্টত প্ৰপালচন মডিউলৰ পৰা পৃথক হোৱাৰ পূৰ্বে লোৱা ভিডিঅ’টোত ৰুক্ষ, একাধিক গাত থকা চন্দ্ৰ পৃষ্ঠৰ ছবি ধৰা পৰিছে।
প্ৰপালচন মডিউলৰ পৰা পৃথক হোৱাৰ ঠিক পিছতেই লেণ্ডাৰখনৰ ইমেজ কেমেৰাই সেই মুহূৰ্তটো বন্দী কৰিছে। ভিডিঅ’টোত চন্দ্ৰপৃষ্ঠৰ লগতে বিভাজিত প্ৰপালচন মডিউলটোও দেখা গৈছে।
Chandrayaan-3 Mission:
🌖 as captured by the
Lander Position Detection Camera (LPDC)
on August 15, 2023#Chandrayaan_3#Ch3 pic.twitter.com/nGgayU1QUS— ISRO (@isro) August 18, 2023
শুকুৰবাৰে চন্দ্ৰযান-৩ৰ প্ৰথমটো ডিবুষ্টিং প্ৰক্ৰিয়া সম্পূৰ্ণ হৈছে, ইছৰোৱেও টুইটাৰত ছবিখন প্ৰকাশ কৰিছে। ইছৰোৱে টুইটাৰত উল্লেখ কৰিছে যে ২০ আগষ্ট দেওবাৰে দ্বিতীয়টো ডিবুষ্টিং হ’ব।
Chandrayaan-3 Mission:
View from the Lander Imager (LI) Camera-1
on August 17, 2023
just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad— ISRO (@isro) August 18, 2023
উল্লেখ্য যে ৫ আগষ্টত চন্দ্ৰযান-৩ চন্দ্ৰ কক্ষপথত প্ৰৱেশ কৰিছিল। যদি সকলো ঠিকে থাকে তেন্তে ২৩ আগষ্টত ইছৰ’ৰ ৰ’ভাৰখন চন্দ্ৰত অৱতৰণ কৰিব। ই চন্দ্ৰৰ দক্ষিণ মেৰুত অৱতৰণ কৰিব। ইয়াৰ পূৰ্বে কোনো ভাৰতীয় যান চন্দ্ৰত অৱতৰণ কৰা নাই। সেইদৰে, ইয়াৰ পূৰ্বে আন কোনো দেশে চন্দ্ৰৰ দক্ষিণ মেৰুলৈ যান প্ৰেৰণ কৰা নাই।