যোৰহাটৰ উপ আৰক্ষী অধীক্ষক মৃদুল আহমেদ আৰু নাই

হৃদৰোগত আক্ৰান্ত হৈ ডিব্ৰুগড়ৰ অসম চিকিৎসা মহাবিদ্যালয় হস্পিতেলত বুধবাৰে পুৱা প্ৰাণ হেৰুৱাইছে যোৰহাটৰ উপ আৰক্ষী অধীক্ষক মহম্মদ মৃদুল আহমেদে।

বিষয়াগৰাকীৰ মৃত্যুত শোক প্ৰকাশ কৰি জিলা আৰক্ষী অধীক্ষক ভি চি নিম্বালকাৰে কয় যে তেওঁ নোহোৱা হোৱাতো যোৰহাট আৰক্ষীৰ লগতে অসম আৰক্ষীৰ বাবেও এক পূৰাব নোৱাৰা ক্ষতি।

“যোৰহাটৰ প্ৰতিজন আৰক্ষীয়েই বিভাগটোলৈ তেওঁৰ বৃহৎ বৰঙনি সদায় মনত ৰাখিব। ভগৱানে তেওঁৰ পৰিয়ালক শক্তি দিয়ক আৰু তেওঁৰ আত্মাই শান্তি পাওক,” নিম্বালকাৰৰ মন্তব্য।

অসম আৰক্ষী সেৱাৰ বিষয়াগৰাকী যোৰহাটত সীমান্ত শাখাৰ উপ আৰক্ষী অধীক্ষকৰূপে কৰ্মৰত আছিল।