অপেক্ষাৰ অন্ত! অৱশেষত কৰিণাই শ্বেয়াৰ কৰিলে দ্বিতীয় সন্তানৰ ফটো, সামান্থাই জনালে বিশেষ শুভেচ্ছা

আন্তঃৰাষ্ট্ৰীয় নাৰী দিৱস উপলক্ষে কৰিণা কাপুৰে সোমবাৰে প্ৰথমবাৰৰ বাবে নিজৰ দ্বিতীয় সন্তানৰ স’তে উঠা ফটো সামাজিক মাধ্যমত শ্বেয়াৰ কৰে।

লগে লগে তেওঁৰ অসংখ্য অনুৰাগীয়ে শুভেচ্ছাজ্ঞাপন কৰে।

বলিউডৰ মালাইকা আৰোৰা, ৰিয়া কাপুৰ, কৰিশ্মা কাপুৰ, বিপাশা বসু, মাহীপ কাপুৰ, পুনম ডামানিয়াই কমেণ্ট বক্সত কৰিণা আৰু নৱজাত সন্তানক স্নেহবৰ্ষণ কৰিছে।

কিন্তু এইক্ষেত্ৰত সকলোৰে আগত আছে সামান্থা আক্কিনেনি।

টেলেগু চিনেমাৰ জনপ্ৰিয় অভিনেত্ৰী সা্মান্থাই ইনষ্টাগ্ৰামত কৰিণাৰ ফটোখন শ্বেয়াৰ কৰি ‘লাভ ইম’জি’ৰে শুভেচ্ছা জনাইছে।

পাছত সামান্থাৰ প’ষ্টটো কৰিণাইও নিজৰ ইনষ্টাগ্ৰাম ষ্ট’ৰীজত শ্বেয়াৰ কৰি লাভ ইম’জি দিয়ে।

 

View this post on Instagram

 

A post shared by Kareena Kapoor Khan (@kareenakapoorkhan)

কৰিণাই শ্বেয়াৰ কৰা ক’লা-বগা ফটোখনত দেখা গৈছে অভিনেত্ৰীগৰাকীয়ে নৱজাত সন্তানটোক কান্ধত শোৱাই থৈছে। সন্তানটোৰ মুখখন আঁৰ কৰি ৰখা হৈছে আৰু এখন কোমল ব্লেংকেটৰ মাজত তাক শোৱাই ৰখা আছে।

ফটোখনৰ তলত সকলোলৈকে নাৰী দিৱসৰ শুভেচ্ছাজ্ঞাপন কৰি কৰিণাই লিখিছে যে নাৰীয়ে কৰিব নোৱাৰা কাম একো নাই।

উল্লেখযোগ্য যে সমগ্ৰ গৰ্ভৱতী কালছোৱাত কৰিণাই গৰ্ভাৱস্থাৰ ফটো ইনষ্টাগ্ৰামত অনুৰাগীসকলৰ স’তে শ্বেয়াৰ কৰি আছিল। আনকি বিভিন্ন বিজ্ঞাপনতো ভাগ লৈছিল।

২১ ফেব্ৰুৱাৰীত জন্মগ্ৰহণ কৰা কৰিণা আৰু ছঈফৰ দ্বিতীয় সন্তানৰ মুখখন তেওঁলোকে এতিয়ালৈকে ৰাজহুৱা কৰা নাই।

ইয়াৰ পূৰ্বে তেওঁলোকৰ প্ৰথম সন্তান টাইমূৰৰ জন্মৰ পাছতে তেওঁলোকে টাইমূৰৰ ফটো ৰাজহুৱা কৰিছিল।

আনকি নৱজাত সন্তানৰ নামপৰ্যন্ত গোপনে ৰখা হৈছে।