ৰাজ্যপালৰ হাতত পদত্যাগ পত্ৰ দাখিল কেৰালাৰ মুখ্যমন্ত্ৰী পিনাৰাই বিজয়নৰ

সোমবাৰে ৰাজ্যপালৰ হাতত পদত্যাগ পত্ৰ দাখিল কৰিছে কেৰালা মুখ্যমন্ত্ৰী পিনাৰাই বিজয়নে।

যোৱা ৬ এপ্ৰিলত অনুষ্ঠিত বিধানসভাৰ নিৰ্বাচনৰ দেওবাৰে ঘোষণা কৰা ফলাফলত পুনৰ ক্ষমতালৈ আহিছে পিনাৰাইৰ বিজয়নৰ লেফ্ট  ফ্ৰ’ণ্ট।

সোমবাৰে সন্ধিয়া ৰাজভৱনলৈ গৈ বিজয়নে কেৰালাৰ ৰাজ্যপাল আৰিফ মহম্মেদ খানৰ হাতত পদত্যাগ পত্ৰ দাখিল কৰে।

ৰাজ্যপালে নতুন চৰকাৰ গঠন নোহোৱা পৰ্যন্ত পিনাৰাইক বৰ্তমানৰ চৰকাৰখন দায়িত্ব পালন কৰি থাকিবলৈ পৰামৰ্শ দিয়া বুলি জানিব পৰা গৈছে।

উল্লেখ্য যোৱা ৬ এপ্ৰিলত অনুষ্ঠিত হৈছিল ৰাজ্যখনৰ বিধানসভাৰ নিৰ্বাচন।

কালি ঘোষণা কৰা নিৰ্বাচনৰ ফলাফল অনুসৰি পিনাৰায়ে নেতৃত্ব প্ৰদান কৰা বাওঁ গণতান্ত্ৰিক ফ্ৰ’ণ্টে ৰাজ্যখনৰ ১৪০ খন আসনৰ ভিতৰত ৯৯ খন আসনেৰে একক সংখ্যাঘৰিষ্ঠতা লাভ কৰি পুনৰ ক্ষমতালৈ আহিছে।