কোভিড-১৯ হটস্পষ্টৰূপে ঘোষণা কেৰেলাৰ মুখ্যমন্ত্ৰী পিনাৰায়ী বিজয়নৰ গৃহ জিলাক

কেৰেলাৰ মুখ্যমন্ত্ৰী পিনাৰায়ী বিজয়নৰ গৃহ জিলাক ক’ৰ’না ভাইৰাছৰ হটস্পষ্টৰূপে ঘোষণা কৰা হৈছে।

সোমবাৰে ৰাজ্যখনৰ কোভিড-১৯ৰ তথ্যসমূহ পুনৰীক্ষণ কৰাৰ পিছতে এই ঘোষণা কৰে ৰাজ্য চৰকাৰে।

ইফালে ৰাজ্যখনত সোমবাৰে পুনৰ ৪৯ টা কোভিড-১৯ পজিটিভ কেচ পোৱা গৈছে।

ৰাজ্যখনৰ স্বাস্থ্য মন্ত্ৰী কে কে শৈলজাই কয় যে উক্ত ৪৯ গৰাকীৰ ভিতৰত ২ গৰাকী কাৰাবন্দীসহ স্বাস্থ্য কৰ্মীয়ো আছে।

নতুনকৈ ধৰা পৰা ৪৯ গৰাকী ক’ৰ’নাক্ৰান্তৰ ভিতৰত কাশাৰগুড় জিলাৰ ১৪ গৰাকী আৰু কুন্নুৰৰ ১০ গৰাকী লোক আছে।

মুখ্যমন্ত্ৰী বিজয়নে নিজৰ গৃহ জিলাৰ লগতে ৰাজ্যখনত ৫৯ টা ক’ৰ’না হটস্পষ্টৰ নাম ঘোষণা কৰিছে।

কেৰেলাত এতিয়ালৈকে ৮৯৬ গৰাকী লোক কোভিড-১৯ত আক্ৰান্ত হৈছে আৰু বৰ্তমান ৩৫৯ গৰাকী আক্ৰান্ত চিকিৎসাধীন হৈ আছে।

উল্লেখ্য যে কেৰেলা ৰাজ্য চৰকাৰে প্ৰায় ১ লাখ লোকক কোৱাৰেন্টাইন কৰি ৰাখিছে।