বৰপেটাত আৰু অধিক উচ্ছেদ অভিযান চলোৱাৰ দাবী খিলঞ্জীয়া সুৰক্ষা বাহিনীৰ
বৰপেটা জিলা প্ৰশাসনে মুখ্য মন্ত্ৰী সোণোৱালৰ নির্দেশ মর্মে গণককুছি ৰিজাৰ্ভ আৰু মথাউৰিত চলা বেদখল উচ্ছেদ কৰা কাৰ্যক আদৰণি জনাইছে খিলঞ্জীয়া সুৰক্ষা বাহিনীৰ বৰপেটা জিলা সমিতিয়ে।
সংবাদ মাধ্যমলৈ পঠোৱা এক বিজ্ঞপ্তিত সংগঠনটোৰ জিলা সমিতিৰ অধ্যক্ষ অনিল কুমাৰ দাস আৰু সচিবপ্ৰধান সত্যেন্দ্ৰ নাথ দাসে জিলাখনৰ সৰুক্ষেত্ৰী সমষ্টিৰ বিভিন্ন বিল, জলাশয় আৰু চৰকাৰী ভূমিত ব্যাপক হাৰত বেদখল হৈ আহিছে বুলি উল্লেখ কৰে। যাৰ ফলত তেওঁলোকৰ মতে মীন উৎপাদনৰ যথেষ্ট সম্ভাৱনা থকা অঞ্চলটোৰ বৃহৎ বিলসমূহ ক্ৰমান্বয়ে সংকুচিত হৈ আহিছে।
বিজ্ঞপ্তিটোৰ জৰিয়তে তেওঁলোকে জিলাখনৰ বাঘবৰ সমষ্টিৰ গোবিন্দপুৰ ৰিজাৰ্ভ, ধানবান্ধাৰ ধান গৱেষণা কেন্দ্ৰৰ ভূমি, বিভিন্ন সত্ৰ, দেৱালয়, জলাশয়, বনাঞ্চল, চৰকাৰী ভূমি আৰু মথাউৰি আদিত শীঘ্ৰে উচ্ছেদ অভিযান চলাই বেদখলমুক্ত কৰিবলৈ প্ৰশাসনক দাবী জনায়।
তদুপৰি সংগঠনটোৰ মূখ্য আহ্বায়ক গোবিন্দ গায়নেও বৰপেটাৰ বিভিন্ন বনাঞ্চল, জলাশয়, পাহাৰ, গো-ৰিজাৰ্ভ, সত্ৰৰ মাটি, মন্দিৰ-মছজিদ, দেৱালয় আদি বেদখলমুক্ত কৰাৰ বাবে মুখ্য মন্ত্ৰীক বিশেষ উদ্যোগ গ্ৰহণ কৰিবলৈ আহ্বান জনায়।
You may also like
ৰাজ্যৰ প্ৰতিটো পৰিয়ালে ৩১ ডিচেম্বৰৰ ভিতৰত লাভ কৰিব বিদ্যুৎ সংযোগ : মুখ্য মন্ত্ৰী সোণোৱাল
মুখ্য মন্ত্ৰী সৰ্বানন্দ সোণোৱালে শনিবাৰে চৰাইদেউ জিলাৰ লাকুৱাৰ মাইবেলাত অনুষ্ঠিত এক অনুষ্ঠানৰ জৰিয়তে ৭০ মেগাৱাট শক্তি সম্পন্ন লাকুৱা পৰিবৰ্ত্ত শক্তি প্ৰকল্প উদ্বোধন…
পুনৰ আন্দোলনৰ বাবে সাজু প্ৰাথমিক শিক্ষক : ১১ জানুৱাৰিত ৰাজ্যজুৰি বন্ধ থাকিব প্ৰাথমিক বিদ্যালয়
ন্যায্যপ্ৰাপ্তিৰ দাবীত বিদ্যালয়ৰ পাঠদান এৰি পুনৰ আন্দোলনৰ বাবে সাজু হৈছে প্ৰাথমিক শিক্ষক। ৰাজ্য চৰকাৰৰ প্ৰতাৰণাৰ বিৰুদ্ধে আকৌ এবাৰ সৰৱ হৈ উঠিছে প্ৰাথমিক…
শ্বেখ হাছিনা এতিয়াও বাংলাদেশৰ প্ৰধানমন্ত্ৰী! শুভেচ্ছা জনালে আমেৰিকাৰ নৱনিৰ্বাচিত ৰাষ্ট্ৰপতি ট্ৰাম্পক
তেওঁ দেশত নাই। প্ৰশাসনো চলা নাই তেওঁৰ অধীনত। কিন্তু পদটোত আছে। শ্বেখ হাছিনা এতিয়াও বাংলাদেশৰ প্ৰধানমন্ত্ৰী। আৱামি লীগে তেনেকৈয়ে ভাবে। যাৰ প্ৰমাণ…
‘পলাতক ধৰ্ষণকাৰী’ক শীঘ্ৰে গ্ৰেপ্তাৰ নকৰিলে মালিপাৰা সংযোগী সকলো পথ বন্ধ কৰিব দক্ষিণ বজালী আছুৱে
বজালীৰ মালিপাৰাত এগৰাকী কিশোৰী ধৰ্ষণ কৰি পলাই থকা বুলি অভিযোগ উঠা অধয় মালাকাৰ নামৰ লোকজনক তৎকালে গ্ৰেপ্তাৰ নকৰিলে মালিপাৰা সংযোগী সকলো পথ…