হোলী খেলাৰ পিছত ৰং উঠাবলৈ বহুত সময় লাগে? জানি লওক কেইটামান উপায়, নিমিষতে হ’ব দূৰ
হোলী খেলাৰ পিছত আপুনি আৰু ৰং উঠাবলৈ ঘণ্টাৰ পিছত ঘণ্টা নষ্ট কৰিব নালাগে! নাৰিকল তেল বা অলিভ অইল মিহলাই ৰং খেলক। ইয়াৰ ফলত ৰং ছালত থিতাপি ল’ব নোৱাৰিব। উঠাই থকাৰ সময়ত দৈ, বেচন, নেমুৰ ৰস, আৰু হালধীৰ মিশ্ৰণ ব্যৱহাৰ কৰিব লাগে। ইয়াৰ ফলত কঠিন হৈ পৰা ৰং নিমিষতে আঁতৰি যাব। ইয়াৰ উপৰিও তিতা আটা, বেকিং চোডা, নেমুৰ মিশ্ৰণো লাগি ধৰা ৰং আঁতৰোৱাত অতি ফলপ্ৰসূ।
ৰং খেলাৰ পিছত বিশেষ উপায়:
* প্ৰাক-প্ৰস্তুতি (ৰঙ দিয়াৰ আগতে): খেলাৰ আগতে গোটেই শৰীৰত নাৰিকল তেল, অলিভ অইল, বা মইশ্ব’ৰাইজাৰ নিশ্চয়কৈ লগাব লাগে। তেল ভালদৰে চুলিত লগাওক। ইয়াৰ ফলত ৰং চুলিৰ গভীৰতালৈ সোমাব নোৱাৰিব।
* দৈ আৰু বেচনৰ পেক: দৈ, বেচন, হালধীৰ গুড়ি আৰু অলপ মৌ মিহলাই পেষ্ট বনাওক। এই মিশ্ৰণটো ছালত লগাই ১৫-২০ মিনিট ৰাখি তাৰ পিছত কুহুমীয়া পানীৰে ধুই পেলাওক। ই কেৱল ৰং পাতল কৰাই নহয়, ছালৰ জিলিকনিও ঘূৰাই আনিব।
* তিতা আটা আৰু তেল: ঘেঁহুৰ আটাৰ লগত অলপ তেল মিহলাই পেষ্ট বনাই ছালত ঘঁহিলে লাগি ধৰা দাগবোৰ নাইকিয়া হয়।
*নেমু আৰু বেকিং চোডা: লেকেটিয়া ৰঙৰ দাগ আঁতৰাবলৈ বেকিং চোডা আৰু নেমুৰ ৰস অলপ মিহলাই দাগটোৰ ওপৰত ১০-১৫ মিনিট ৰাখি তাৰ পিছত ধুই পেলাওক।
* চুলিৰ যত্ন: চুলি ধোৱাৰ সময়ত মৃদু শ্বেম্পু ব্যৱহাৰ কৰক। চুলি ধোৱাৰ পিছত কণ্ডিচনাৰ লগাবলৈ নাপাহৰিব। কাৰণ ৰঙে চুলিখিনি ৰুক্ষ কৰি তোলে।
বিশেষ সতৰ্কবাণী: ৰং আঁতৰাবলৈ কেতিয়াও ছালত জোৰকৈ ঘঁহিব নালাগে। চাবোনৰ সলনি বডি অইল বা ক্লিনজিং মিল্ক ব্যৱহাৰ কৰাটো ভাল।