মহাৰাষ্ট্ৰত কৰ’নাত আক্ৰান্ত মহিলাৰ মৃত্যু; দেশত মৃত্যুৰ সংখ্যা ১৪জনলৈ বৃদ্ধি

কৰ’নাভাইৰাছ বা COVID-19ৰ ফলত মহাৰাষ্ট্ৰৰ নৱী মুম্বাই হাস্পাতলত বৃহস্পতিবাৰে পুৱা আন এগৰাকী মহিলাৰ মৃত্যু হৈছে।

এই মৃত্যুৰ ফলত মহাৰাষ্ট্ৰত মৃতকৰ সংখ্যা চাৰিজনলৈ বৃদ্ধি পোৱাৰ লগতে দেশত মৃতকৰ সংখ্যা ১৪জনলৈ বৃদ্ধি পালে।

বৃহস্পতিবাৰে তেওঁৰ নমুনাত পজিটিভ পোৱাৰ পাছত চিকিৎসকে মহিলাগৰাকীৰ আত্মীয়ক তেওঁক কস্তুৰবা হাস্পাতললৈ নিবলৈ পৰামৰ্শ দিয়ে।

কিন্তু তেওঁলোকে সেয়া অস্বীকাৰ কৰি তেওঁক চৰকাৰী হাস্পাতললৈ নিয়ে আৰু তাতে মহিলাগৰাকীৰ মৃত্যু হয়।

সক্ৰিয় COVID-19ৰ ঘটনাৰ সংখ্যা ৫৫৩জন হোৱাৰ বিপৰীতে ৪৩জন লোক সুস্থ হোৱাৰ পাছত মুকলি কৰি দিয়া হৈছে।

স্বাস্থ্য মন্ত্ৰ্যালয়ৰ তথ্য অনুসৰি, ৪৩জন বিদেশী নাগৰিককে ধৰি ৬০৬টা পজিটিভ ঘটনা ধৰা পৰিছে।

তথ্য অনুসৰি, যোৱা ১৮ জানুৱাৰিৰ পৰা ২,৯০০ জনতকৈয়ো অধিক ব্যক্তিক মহাৰাষ্ট্ৰৰ হাস্পাতলৰ আইছ’লেশ্যন ৱাৰ্ডত ৰখা হৈছিল যাৰ ভিতৰত বৰ্তমান ৯৩২জন ব্যক্তিক ভাইৰাছ আক্ৰান্তৰ সন্দেহত হাস্পাতল কোৱাৰনটাইনত ৰখা হৈছে।

এতিয়ালৈকে ১৪,৫০২জন লোকক হোম কোৱাৰনটাইনৰ অধীনত ৰখা হৈছে।

আনহাতে, এজন কৰ’নাভাইৰাছ আক্ৰান্ত ৰোগী সুস্থ হৈ উঠিছে আৰু তেওঁক হাস্পাতলৰ পৰা যাবলৈ দিয়া হৈছে।