জাঁজীৰ ৰাজপথত নিশা অচিনাক্ত যুৱকৰ দলৰ ধনদাবী; গাড়ীসহ এজনক আটক
শিৱসাগৰ আৰু যোৰহাট জিলাৰ অন্তৰ্গত বৃহত্তৰ জাঁজী অঞ্চলৰ ৩৭ নং আৰু ৬১ নং ৰাষ্ট্ৰীয় ঘাইপথত বিগত কিছুদিন ধৰি যুৱকৰ দলে নিশাৰ ভাগত যান বাহনৰ পৰা ধন দাবী কৰি অহাৰ অভিযোগ উত্থাপিত হৈ আহিছে।
কালি নিশা গৌৰীসাগৰ থানাৰ অন্তৰ্গত জাঁজীৰ এটা তেল ডিপুৰ সমীপত ৰৈ থকা এখন ট্ৰাকৰ পৰা ধন দাবী কৰা এটা চক্ৰক স্থানীয় লোকে আটক কৰিবলৈ চেষ্টা চলাইছিল যদিও কোনো তাৰ পৰা পলাই সাৰে। অৱশ্যে ৰাইজে এ এছ -০৩-জি- ২২২০ নম্বৰৰ এখন টাটা ইণ্ডিগ’ গাড়ীসহ দলটোৰ এজনক আটক কৰিবলৈ সক্ষম হয়।
আটকাধীন লোকজনক শিৱসাগৰ নগৰৰ ৰজাবাৰীৰ প্ৰয়াত সুৰেণ দাসৰ পুত্ৰ অমৃত দাস (৪৫) বুলি আৰক্ষীয়ে জানিবলৈ দিয়ে।
উল্লেখযোগ্য যে শিৱসাগৰ জিলাৰ ৬১ নং ৰাষ্ট্ৰীয় ঘাইপথত নিশাৰ ভাগত একাংশ যুৱকে চেকগেট পাতি লালীগুৰ আৰু অৰুণাচলী সুৰা সৰবৰাহ কৰা বাহনৰ পৰা ধনদাবী কৰা ঘটনা সৰ্বজন বিদিত।
আনহাতে আজি কিছুদিন পূৰ্বে টীয়ক থানাৰ অন্তৰ্গত হাঁহচৰাৰ এটা তেল ডিপুৰ সন্মুখত ৰখাই থোৱা এখন লোৰ পাইপ পৰিবাহী ট্ৰাকৰ পৰা অচিনাক্ত যুৱকৰ এটা দলে বলপূৰ্বক ভাৱে নগদ ধন কাঢ়ি নিয়াৰ লগতে ট্ৰাকৰ কৰ্মচাৰীকো মাৰধৰ কৰিছিল।
You may also like
ম্যানমাৰৰ নাগৰিকৰ বাবে অস্থায়ী সংৰক্ষিত মৰ্যাদা বাতিল কৰিলে আমেৰিকাই
ট্ৰাম্প প্ৰশাসনে আমেৰিকাত ম্যানমাৰৰ নাগৰিকৰ বাবে অস্থায়ী সংৰক্ষিত মৰ্যাদা (টিপিএছ)ৰ অন্ত পেলোৱাৰ কথা ঘোষণা কৰিছে। সোমবাৰে ট্ৰাম্প প্ৰশাসনে যুক্তি দিছে যে এই…
নিজৰ পৈতৃক প্ৰাসাদ কিনি ল’ব লগা হৈছিল ছেইফ আলি খানে
বলিউদ অভিনেতা ছেইফ আলি খানে নিজৰ পৈতৃক ঘৰ পাটাউদি প্ৰাসাদটো কিনি ল’ব লগা হৈছিল। বাতৰি মতে প্ৰাসাদটোৰ মূল্য ৮০০ কোটি টকা। ছেইফ…
ক’ৰ’নাই প্ৰাণ কাঢ়ি নিলে ৯৩ গৰাকী চিকিৎসকৰ : আই এম এ
দেশত ক’ৰ’না ভাইৰাছৰ চিকিৎসা প্ৰদান কৰি ৯৩ গৰাকী চিকিৎসকে এই মহামাৰী ভাইৰাছবিধত আক্ৰান্ত হৈ মৃত্যুবৰণ কৰিছে। ইণ্ডিয়ান মেডিকেল এছ’চিয়েশ্যন (আই এম এ)…
শিক্ষকৰ অনুপস্থিতিৰ তালিকাত মৃত-অৱসৰপ্ৰাপ্তৰ নাম; বিবুধিত ৰাজ্য চৰকাৰ, তদন্ত ঘোষণা শিক্ষামন্ত্ৰীৰ
ৰাজ্যৰ চৰকাৰী বিদ্যালয়ৰ শিক্ষকৰ অনুপস্থিতিৰ বিৰুদ্ধে চলোৱা অভিযানত শিক্ষা বিভাগে ডাঙৰ অস্বস্তিৰ সন্মুখীন হৈছে। শিক্ষকৰ দৰমহা বন্ধ কৰিবলৈ প্ৰকাশ কৰা তালিকাত সন্নিৱিষ্ট…