দাম বাঢ়িল মাৰুতি গাড়ীৰ; ৪.৩শতাংশ পৰ্যন্ত দাম বঢ়ালে কোম্পানীয়ে
দেশৰ বৃহত্তম গাড়ী নিৰ্মাণ সংস্থা মাৰুতি চুজুকি ইণ্ডিয়াই ইয়াৰ বিভিন্ন মডেলৰ গাড়ীৰ দাম বৃদ্ধি কৰিছে।
সংস্থাটোৱে জানিবলৈ দিছে যে ইয়াৰ ইনপুট খৰচ বৃদ্ধিৰ প্ৰভাৱ আংশিকভাৱে হ্ৰাস কৰাৰ বাবে ৪.৩শতাংশ পৰ্যন্ত দাম বঢ়োৱা হৈছে।
বাতৰি অনুসৰি, বিভিন্ন মডেলত এক্স শ্ব’ৰুম মৃল্যৰ (দিল্লীত) গড় বৃদ্ধি ১.৭শতাংশ। শনিবাৰৰ পৰাই এই নতুন মূল্যবৃদ্ধি কাৰ্যকৰী হৈছে।
লগতে পঢ়ক: অন্তিম টেষ্টত পৰাজিত ইংলেণ্ড, ৪-০ ব্যৱধানত এছেজ শৃংখলা জয় অষ্ট্ৰেলিয়াৰ
বিভিন্ন ইনপুট খৰচ বৃদ্ধিৰ বাবে কোম্পানীৰ মডেলসমূহৰ বৰ্দ্ধিত দাম ১শতাংশৰ পৰা ৪.৩শতাংশৰ ভিতৰত আছে।
মাৰুতি চুজুকি ইণ্ডিয়াৰ Alto ৰপৰা S-Cross লৈকে গাড়ীৰ দাম ৩.১৫লাখৰ পৰা ১২.৫৬লাখ টকাৰ ভিতৰত হ’ব।
কোম্পানীটোৱে যোৱা বছৰ মুঠতে তিনিবাৰ গাড়ীৰ দাম বৃদ্ধি কৰিছে। সেই অনুসৰি, জানুৱাৰীত ১.৪শতাংশ, এপ্ৰিলত ১.৬শতাংশ আৰু ছেপ্টেম্বৰত ১.৯শতাংশ দাম বৃদ্ধি কৰিছে। সেই অনুসৰি মুঠ বৃদ্ধিৰ পৰিমান হৈছে ৪.৯শতাংশ।
লগতে পঢ়ক: মাত্ৰ ৩ মিনিটত সামান্থাই ল’লে ৫কোটি টকা! কথাটো কি?
উল্লেখ্য যে যোৱা মাহত কোম্পানীটোৱে জানিবলৈ দিছিল যে যোৱা বছৰৰ তুলনাত ইস্পাত, এলুমনিয়াম, তাম, প্লাষ্টিক তথা মূল্যবান ধাতুসমূহৰ দৰে আৱশ্যকীয় সামগ্ৰীসূহৰ দাম বৃদ্ধিৰ বাবে তেওঁলোকেও দাম বৃদ্ধি কৰিবলৈ বাধ্য হৈছে।