আজি NEET UG 2021-ৰ প্ৰৱেশ পৰীক্ষা; সাজু হৈ উঠিছে বিভিন্ন পৰীক্ষা কেন্দ্ৰ

NEET 2021, নেশ্যনেল টেষ্টিং এজেন্সি (NTA)ৰ দ্বাৰা দেশৰ মেডিকেল পাঠ্যক্ৰমৰ স্নাতক পৰ্যায়ত নামভৰ্তিৰ বাবে NEET UG 2021প্ৰৱেশ পৰীক্ষা আজি অনুষ্ঠিত কৰাৰ বাবে পৰীক্ষা কেন্দ্ৰসমূহ সাজু কৰি তোলা হৈছে।

কোভিড-১৯ৰ পৰিস্থিতিৰ বাবে বহু বিলম্ব ঘটাৰ পাছত অৱশেষত দেওবাৰে দিনৰ ২ বজাৰ পৰা ৫বজালৈ ২০২খন চহৰত NEET UG 2021প্ৰৱেশ পৰীক্ষা অনুষ্ঠিত হ’ব।

নেশ্যনেল টেষ্টিং এজেন্সিয়ে এই পৰীক্ষা নিৰ্দিষ্ট সূচীমতে অনুষ্ঠিত কৰাৰ বাবে উচ্চতম ন্যায়ালয়ৰ পৰা নিৰ্দেশনা লাভ কৰিছে।

নীট পৰীক্ষাই আন পৰীক্ষাৰ সৈতে বেমেজালিৰ সৃষ্টি কৰিব বুলি একাংশ শিক্ষাৰ্থীয়ে দাখিল কৰা এখন আবেদন উচ্চতম ন্যায়ালয়ে খাৰিজ কৰে।

Also read : EPFO, উৎকোচ লোৱাৰ অপৰাধত গুৱাহাটীত চিবিআইয়ে গ্ৰেপ্তাৰ কৰিলে EPFOৰ কৰ্মচাৰীক

কোভিড পৰিস্থিতিৰ প্ৰতি লক্ষ্য ৰাখি নেশ্যনেল টেষ্টিং এজেন্সিয়ে প্ৰাৰ্থীসকলৰ প্ৰৱেশ পত্ৰত তেওঁলোকে পালন কৰিবলগীয়া কোভিড সম্পৰ্কীয় বিধি-নিৰ্দেশনা তথা সুৰক্ষা বিধি উল্লেখ কৰিছে।