ৱেইছ’ডং জলপ্ৰপাত আৰু ৰিয়াট আৰ্লিয়াং পাৰ্কিং লটৰ ভ্ৰমণৰ নিষেধাজ্ঞা প্ৰত্যাহাৰ মেঘালয় চৰকাৰৰ

যোৱা জুন মাহত ইন্দোৰৰ ব্যৱসায়ী ৰাজা ৰঘুবংশীৰ মৃতদেহ উদ্ধাৰ হোৱাৰ পিছৰে পৰা ৱেইছ’ডং জলপ্ৰপাত আৰু ছ’হৰা (চেৰাপুঞ্জী)ৰ ৰিয়াট আৰ্লিয়াং পাৰ্কিং লটত ৰাজহুৱা আৰু বাহনৰ প্ৰৱেশৰ ওপৰত থকা নিষেধাজ্ঞা প্ৰত্যাহাৰ কৰিছে মেঘালয় চৰকাৰে।

অতিৰিক্ত উপ আয়ুক্ত এম এ চালামে মাউফু, উমব্লাই, লাইটডুহ, আৰু লাইটলিণ্ডপৰ গাঁওবুঢ়াসকলৰ সৈতে আলোচনা কৰাৰ পিছতে এই সিদ্ধান্ত লোৱা হৈছে।

এই নিৰ্দেশ অনুসৰি ৱেইছাৱডং জলপ্ৰপাতৰ পৰ্যটন কাৰ্য্যকলাপ লাইটডুহ গাঁৱৰ দ্বাৰা পৰিচালিত হ’ব, আনহাতে উম্বলাই গাঁৱৰ অন্তৰ্গত ৰিয়াট আৰ্লিয়াং পাৰ্কিং লট পৰ্যটকৰ বাহনৰ বাবে মুকলি থাকিব।

কৰ্তৃপক্ষই জনোৱা মতে, সেই স্থানত পৰ্যটন মসৃণ আৰু শৃংখলাবদ্ধভাৱে পুনৰ আৰম্ভ কৰাৰ বাবে কাৰ্য্যকৰী নিৰ্দেশনা আৰু নিৰীক্ষণ ব্যৱস্থা ৰূপায়ণ কৰা হ’ব। এই আদেশত জোৰ দিয়া হৈছে যে আইনখন নিজৰ হাতত ল’বলৈ চেষ্টা কৰা যিকোনো ব্যক্তিৰ বিৰুদ্ধে কঠোৰ আইনী ব্যৱস্থা গ্ৰহণ কৰা হ’ব।