প্ৰথমবাৰৰ বাবে এগৰাকী বধিৰ নাৰীয়ে লাভ কৰিলে মিছ দক্ষিণ আফ্ৰিকাৰ খিতাপ
মিয়া লে ৰ’ক্সে মিছ দক্ষিণ আফ্ৰিকাৰ খিতাপ জয় কৰিছে। তেওঁ হৈছে এই প্ৰতিযোগিতাৰ শ্ৰেষ্ঠতাৰ মুকুট পিন্ধা প্ৰথমগৰাকী বধিৰ মহিলা।
মিছ দক্ষিণ আফ্ৰিকাৰ মুকুট লাভ কৰাৰ পিছত দিয়া ভাষণত মিয়া লে ৰ’ক্সে কয় যে তেওঁৰ এই জয়ে সমাজৰ বাহিৰৰ বুলি অনুভৱ কৰাসকলক সহায় কৰিব।
২৮ বছৰীয়া মিয়াই মাত্ৰ এবছৰ বয়সতে শ্ৰৱণ ক্ষমতা হেৰুৱাইছিল। ফলত শব্দ অনুভৱ কৰিবলৈ তেওঁৰ শৰীৰত কক্লিয়াৰ ইমপ্লাণ্ট স্থাপন কৰা হৈছিল।
লগতে পঢ়কঃ মহাদেৱৰ জল অভিষেকৰ সময়তে দুৰ্ঘটনা; বিহাৰৰ সিদ্ধেশ্বৰনাথ মন্দিৰত পদপিষ্ট হৈ ৭ জন নিহত
মিয়াই কয় যে প্ৰথম শব্দটো উচ্চাৰণ কৰিবলৈ সক্ষম হোৱাৰ আগতে কমেও দুবছৰ ধৰি তেওঁ স্পিচ থেৰাপীও ল’বলগীয়া হৈছিল।
জয়ী হোৱাৰ পিছত মডেল আৰু মাৰ্কেটিং মেনেজাৰ মিয়াই লগতে কয়, ‘মই এগৰাকী গৌৰৱান্বিত দক্ষিণ আফ্ৰিকাৰ বধিৰ মহিলা আৰু মই জানো যে বাহিৰত থকাটো কেনেকুৱা লাগে।
লগতে পঢ়কঃ পেৰিছত অন্তিম ইভেণ্টত স্বৰ্ণ জয়েৰে অলিম্পিকৰ পদক তালিকাত চীনক অতিক্ৰমি শীৰ্ষত আমেৰিকা
“মই এতিয়া জানো যে মোক এই পৃথিৱীত বাধাৰ প্ৰাচীৰ ভাঙিবলৈ ৰখা হৈছিল আৰু আজি নিশা মই সেইটোৱেই কৰিলোঁ।”