সমগ্ৰ বিশ্বতে স্তব্ধ মাইক্ৰ’ছফ্ট উইণ্ড’জ! ব্যাহত বিমানবন্দৰৰ পৰা বেংকিং সেৱালৈকে কামকাজ
শুকুৰবাৰে পুৱাৰে পৰা ক্ষতিগ্ৰস্ত হৈছে উইণ্ড’জ ব্যৱহাৰকাৰীসকল। তেওঁলোকে কম্পিউটাৰটো খুলিলেই পৰ্দাত এখন নীলা পৰ্দা ওলায়। ইয়াত কোৱা হৈছে যে কম্পিউটাৰ বা লেপটপটোৱে আপডেট লৈছে। কিন্তু বেছিভাগ ক্ষেত্ৰতে আপডেট পোৱাৰ পিছতো তেওঁলোকৰ ডিভাইচসমূহে কাম কৰা নাই। এই মাইক্ৰ’ছফ্টৰ বিচ্ছিন্নতাই বিশ্বৰ বিমানবন্দৰৰ পৰা আৰম্ভ কৰি বেংকিং সেৱালৈকে সকলোতে ব্যাঘাত জন্মাইছে।
মাইক্ৰ’ছফ্ট ব্যৱহাৰকাৰীসকলৰ কেনেধৰণৰ সমস্যা হৈছে? জানিব পৰা গৈছে যে তেওঁলোকৰ কম্পিউটাৰ বা লেপটপ খুলিলে তেওঁলোকৰ পৰ্দাত এটা বিশেষ বাৰ্তা দেখা যায়। কোৱা হৈছে যে ডিভাইচটোত কিবা সমস্যাৰ বাবে মেচিনটোৱে কাম কৰা নাই, ইয়াক আপডেট কৰিব লাগিব। কিন্তু আপডেট কৰাৰ পিছতো চিষ্টেম চলি থকা নাই। তাৰ বাবেই সমগ্ৰ বিশ্বতে গুৰুতৰ সমস্যাৰ সৃষ্টি হৈছে।
প্ৰাথমিকভাৱে পোৱা খবৰ মতে বিমানবন্দৰৰ পৰা আৰম্ভ কৰি বেংকিংলৈকে সকলোতে পৰিসেৱা বিঘ্নিত হৈছে। চৰকাৰী পৰিসেৱাও বাদ পৰা নাই।
As our systems are impacted by an ongoing issue with Microsoft Azure, we are experiencing high volumes at contact centre. Please contact us only if your travel is within 24 hrs.
— IndiGo (@IndiGo6E) July 19, 2024
ভাৰতৰ জনসাধাৰণেও ক্ষতিৰ সন্মুখীন হৈছে। দেশৰ কেইবাটাও বিমানবন্দৰত চেক-ইনৰ সমস্যা। বিমান সেৱাত বাধাৰ সৃষ্টি হৈছে। ইতিমধ্যে আমেৰিকাই কেইবাটাও বিমানবন্দৰৰ সেৱা সম্পূৰ্ণৰূপে বন্ধ কৰি দিছে। নেটিজেনসকলেও নিজৰ ছ’চিয়েল মিডিয়াত বন্ধ হোৱা স্ক্ৰীণৰ ছবি শ্বেয়াৰ কৰিছে।
Windows Crashed…! It seems everyone around the globe facing this issue.. wahhhh please don’t resolve
Take ur own time @Microsoft #windows #bluescreen pic.twitter.com/phd1LO7hHv— mudevi (@avoid_sugar) July 19, 2024
কিমান দিনত এই সমস্যাৰ সমাধান হ’ব? আনকি মাইক্ৰ’ছফ্টৰ বিষয়াসকলেও ইয়াৰ উত্তৰ দিব পৰা নাই। সংস্থাটোৰ এক্স হেণ্ডেলে এই সমস্যা দূৰ কৰাৰ বাবে কাম কৰি থকা বুলি জনাইছে। সৰ্বাধিক গুৰুত্বসহকাৰে এই সমস্যা সমাধানৰ প্ৰয়াস কৰা হৈছে। শীঘ্ৰে সমস্যা সমাধান হ’ব বুলি আশাবাদী। কিন্তু ইয়াৰ সমাধান এতিয়াও পোৱা নাই। অৱশ্যে সকলোৰে চিষ্টেমত এই সমস্যা হোৱা নাই। তেওঁলোকৰ কম্পিউটাৰ বা লেপটপত কাম চলি আছে।