কোৰানক অপমান! একাংশ পাকিস্তানী উন্মত্ত জনতাই হত্যা কৰিলে অভিযুক্তক

উত্তৰ-পশ্চিম পাকিস্তানৰ খাইবাৰ পখতুনখোৱাৰ স্বাট জিলাত পবিত্ৰ কোৰআনক অপবিত্ৰ কৰাৰ অভিযোগত ক্ষুব্ধ জনসমাগমৰ দ্বাৰা এজন লোকক হত্যা কৰা হয়৷

পঞ্জাৱৰ ছিয়ালকোট জিলাৰ লোকজনে বৃহস্পতিবাৰে নিশা শ্বাটৰ মাদয়ান তহচিলত পবিত্ৰ কোৰআনৰ কিছু পৃষ্ঠা জ্বলাই দিয়াৰ অভিযোগ উত্থাপন কৰে জিলা আৰক্ষী বিষয়া (ডি পি অ’) স্বাত, জাহিদুল্লাই।

আৰক্ষীয়ে গ্ৰেপ্তাৰ কৰি অভিযুক্ত মদয়ান আৰক্ষী থানালৈ অনা হয়। থানাৰ বাহিৰত গোট খাই থকা লোকে তেওঁক গতাই দিবলৈ দাবী জনায়। আৰক্ষীয়ে অস্বীকাৰ কৰাৰ পাছত ৰাইজে গুলীচালনা কৰে আৰু আৰক্ষীয়ে প্ৰতি গুলীচালনা কৰে। গুলী লগাৰ ফলত এজন লোক গুৰুতৰভাৱে আহত হোৱাৰ পাছত তেওঁক মদয়ান হাস্পতাললৈ বদলি কৰা হয় বুলি ডিপিঅ’ই জানিবলৈ দিয়ে।

ইয়াৰ পাছতে জনসাধাৰণে থানাত জুই লগাই দিয়ে। পিছত একাংশ লোকে থানাত প্ৰৱেশ কৰি গুলীচালনা কৰি মৃতদেহ টানি মাদয়ান আড্ডালৈ লৈ যায় আৰু তাতেই ওলোমাই থৈ যায় বুলি জানিবলৈ দিয়ে।

ঘটনাৰ ফলত উদ্ভৱ হোৱা অশান্তিৰ ফলত আহত হয় ৮ জন লোক। মদয়ানত গধুৰ আৰক্ষী নিয়োগ কৰা হৈছে আৰু পৰিস্থিতি নিয়ন্ত্ৰণলৈ অনাৰ প্ৰচেষ্টা চলোৱা হৈছে বুলি আৰক্ষীয়ে উল্লেখ কৰে।