অসমীয়াক মোদীৰ পুনৰ টোপ; অসমীয়াত টুইট কৰি আভুৱা, ঘঁৰিয়ালৰ চকুপানী আখ্যা
“কেব” নানিবলৈ কৰা অসমীয়া মানুহৰ অনুনয়-বিনয়লৈ কাণ নিদিয়া প্ৰধান মন্ত্ৰী মোদীয়ে আজি অসমীয়াত টুইট কৰি অসম চুক্তিৰ ৬ নং দফা ৰূপায়ণ আশ্বাস দিয়াত ক্ষুব্ধ হৈ পৰিছে অসমীয়া মানুহ।
অসমীয়াত টুইট, গামোচাৰ আদৰ আদিৰে আৱেগিক অসমীয়া মানুহক আভুৱা ভাঁৰি অহা মোদীক এইবাৰ উভতি ধৰিছে অধিকাংশ অসমীয়া লোকে।
অসমীয়াত দিয়া টুইটটোত মোদীয়ে কৈছে, “অসম চুক্তিৰ ছয় নং দফা অনুসৰি অসমীয়া মানুহৰ ৰাজনৈতিক, ভাষিক, সাংস্কৃতিক আৰু ভূমিৰ অধিকাৰ সুৰক্ষিত কৰাৰ বাবে সাংবিধানিক ৰক্ষাকৱচ প্ৰদানৰ ক্ষেত্ৰত মই আৰু কেন্দ্ৰীয় চৰকাৰ সম্পূৰ্ণৰূপে দায়বদ্ধ”।
প্ৰধান মন্ত্ৰীৰ এই টুইটৰ পিছতে ইয়াক “টোপ” আখ্যা দিয়াৰ লগতে অসমীয়াত টুইট কৰাটোক ঘঁৰিয়ালৰ চকুপানী, আভুৱা-ভাঁৰাৰ চেষ্টা আখ্যা দিছে টুইটাৰ আৰু ফেইচবুক য়ুজাৰে।
বহুতো অসমীয়া টুইটাৰ য়ুজাৰে অশালীন আৰু অশোভনীয় ধৰণে মোদীক গালি পৰা দেখা গৈছে।
অসম চুক্তিৰ ছয় নং দফা অনুসৰি অসমীয়া মানুহৰ ৰাজনৈতিক, ভাষিক, সাংস্কৃতিক আৰু ভূমিৰ অধিকাৰ সুৰক্ষিত কৰাৰ বাবে সাংবিধানিক ৰক্ষাকৱচ প্ৰদানৰ ক্ষেত্ৰত মই আৰু কেন্দ্ৰীয় চৰকাৰ সম্পূৰ্ণৰূপে দায়বদ্ধ।
— Narendra Modi (@narendramodi) December 12, 2019
“কলিজা আছে যদি, অসমীয়া প্ৰতিবাদী ৰাইজৰ সন্মুখত আহ ঐ জাতিৰ দালাল….” এজনৰ উত্তৰ।
“চৰকাৰ গঠন কৰাৰ আগতো দায়বদ্ধ আছিলে এইটো কৰিম সেইটো বন্ধ কৰিম বুলি। আৰু এতিয়া বাংলাদেশী অনাৰ বাবে আমাৰ নিজ মাতৃ ভূমিৰ মানুহবোৰৰ ওপৰত অত্যাচাৰ চলাই আছে।” আন এজনৰ মন্তব্য।
“আপোনাক আৰু বিশ্বাস কৰিব নোৱাৰি…. আপুনি অসমীয়াৰ বুকুত আঘাত সানিলে”, এগৰাকী মহিলাৰ মন্তব্য।
আন এজনে কটাক্ষ কৰি লিখিছে, “আপোনাৰ মিছলীয়া চৰকাৰ, নাই আমাৰ দৰকাৰ”।
“টুপী পিন্ধাই লাভ নাই”, আন এজনৰ মন্তব্য।
আন এগৰাকী মহিলাই উত্তৰত লিখিছে, “অনুবাদকৰ সহায় লৈ টুইট কৰি থাকিলেই সকলো মনে মনে নাথাকিব। টেঙা আম এবাৰ হে বেচিব পাৰি। আপুনি তো তথাপি দুবাৰ বেছিলে। জম্মু কাশ্মীৰ খালি কৰি লাগিলে সব পুলিচ মিলিটেৰী লৈ আহক, কিন্তু এই জুই নুমুৱাব নোৱাৰে। বজৰং-২ ৰ কথাটো সপোনতো নাভাবিব। পস্তাৱ লাগিব।”
এইদৰে মোদীৰ অসমীয়া ভাষাত টুইটেৰে আৱেগ সৃষ্টি কৰা পুৰণি কৌশলক এইবাৰ অসমীয়াসকলে সুকীয়া ধৰণে লোৱা দেখা গৈছে।
চৰকাৰ গঠন কৰাৰ আগতো দায়বদ্ধ আছিলে এইটো কৰিম সেইটো বন্ধ কৰিম বুলি । আৰু এতিয়া বাংলাদেশী অনাৰ বাবে আমাৰ নিজ মাতৃ ভূমিৰ মানুহবোৰৰ ওপৰত অত্যাচাৰ চলাই আছে । @sarbanandsonwal @himantabiswa এই চুদূৰভাই কেইটাইতো নিজৰ টকা আৰু ক্ষমতাৰ বাবে অসমখনেই বিক্ৰী কৰি দিলে ।
— 𝓑𝓱𝓪𝓫𝓪𝓳𝓲𝓽 𝓢𝓪𝓲𝓴𝓲𝓪 (@Bhabajit353) December 12, 2019