শিৱসাগৰত পুনৰ সাত গৰাকী কোভিড১৯ পজিটিভ : ৭০ জনলৈ বৃদ্ধি আক্ৰান্ত সংখ্যা

আজি শিৱসাগৰত পুনৰ সাত গৰাকীৰ দেহত কোভিড১৯ পজিটিভ পোৱা গৈছে।

ইয়াৰে চাৰিগৰাকী ব্যক্তি ডিমৌৰ কোৱাৰেন্টাইন চেন্টাৰৰ আৰু দুগৰাকী আমগুৰিৰ কোৱাৰেন্টাইন চেন্টাৰৰ।

আটাইকেইগৰাকী ব্যক্তি বহিঃৰাজ্যৰ পৰা অহা বুলি জানিবলৈ দিয়ে স্বাস্থ্য বিভাগে।

আনহাতে আনজন ব্যক্ত বকতা পানীবিল কোৱাৰেন্টাইন চেন্টাৰত আছিল।

প্ৰফুল্ল দাস নামৰ ব্যক্তিজনৰ কোনো ট্ৰেভেল হিষ্ট্ৰি নাই যদিও তেওঁৰ এজন সম্পৰ্কীয় নাতি বহিঃৰাজ্যৰ পৰা আহিছিল আৰু তেওঁৰ দেহত কোভিড১৯ পজিটিভ পোৱা গৈছিল।

আটাইকেইগৰাকী ব্যক্তিৰ স্বাৱ টেষ্ট ৪ আৰু ৫ জুলাইত লোৱা হৈছিল বুলি জানিব পৰা গৈছে।

শিৱসাগৰত বৰ্তমানলৈকে ৭০ গৰাকী লোক কোভিড ১৯ত আক্ৰান্ত হৈছে আৰু যদিও সৰহ সংখ্যক লোকক ইতিমধ্যে আৰোগ্য লাভ কৰি ঘৰলৈ যাবলৈ দিয়া হৈছে।

বৰ্তমান ৩১ গৰাকী ব্যক্তি চিকিৎসাধীন হৈ আছে বুলি জানিব পৰা গৈছে।