নগাঁৱত ৰাষ্ট্ৰীয় ভোটাৰ দিৱস উদযাপন
সমগ্র দেশ আৰু ৰাজ্যৰ লগতে নগাঁও জিলাতোআজি নগাঁও জিলা প্ৰশাসনৰ উদ্যোগত ৰাষ্ট্ৰীয় ভোটাৰ দিৱস উদযাপন কৰা হয়।
এই অনুসৰি উপায়ুক্ত কাৰ্য্যালয়ৰ প্ৰাংগণত আয়োজিত সভাত সভাপতিত্ব কৰে জিলা উপায়ুক্ত কভিথা পদ্মনাভনে।
আজিৰ এই সভাত ৰাষ্ট্ৰীয় ভোটাৰ দিৱস উপলক্ষে জিলা প্ৰশাসনে আয়োজন কৰা কুইজ আৰু চিত্ৰাংকণ প্ৰতিযোগিতাৰ বিজয়ী সকলক বঁটা প্ৰদান কৰা হয়।
লগতে ভোটাৰ সজাগতাৰ বাবে জিলা প্ৰশাসনে প্ৰস্তুত কৰা এটি সজাগতামূলক গীত মুকলি কৰে পেৰাচাইকেলিষ্ট ৰাকেশ বনিকে।
ইয়াৰ উপৰিও ভোটাৰ সজাগতাৰ বাবে জিলা প্ৰশাসনে এক চাইকেল ৰেলীৰ আয়োজন কৰে , যত পেৰাচাইকেলিষ্ট ৰাকেশ বনিকৰ লগতে বহুসংখ্যক ছাত্ৰ-ছাত্ৰী আৰু জিলা প্ৰশাসনৰ বিষয়া-কৰ্মচাৰী সকলে অংশগ্ৰহণ কৰে।
আজিৰ এই সভাত জিলা উন্নয়ন আয়ুক্ত হেমন্ত ভূঞা, নিৰ্বাচনী বিষয়া ৰাজ বৰুৱাকে প্ৰমুখ্যে বিভিন্ন বিষয়া কৰ্মচাৰীসকল উপস্থিত থাকে।