৮ জুলাইত বজাৰলৈ আহিব ‘ডাষ্টাৰ ফেইছলিফ্ট’; আকৰ্ষণীয় ডিজাইনেৰে প্ৰত্যাহবান জনাব ভাৰতীয় গাড়ী বজাৰত

ৰেনল্ট ইণ্ডিয়াই জুলাইৰ ৮ তাৰিখে মুকলি হ’বলগীয়া ‘ডাষ্টাৰ’ৰ নতুন সংস্কৰণ ‘ডাষ্টাৰ ফেছলিফ্ট’ মুকলিৰ পূৰ্বে প্ৰস্তুতি সম্পূৰ্ণ কৰি তুলিছে। কোম্পেনীটোৱে ইতিমধ্যে নতুনকৈ বজাৰলৈ আহিবলগীয়া এচ য়ু ভি বাহনখনৰ ৰ’ড টেষ্টিং সম্পূৰ্ণ কৰিছে।

ডাষ্টাৰৰ নতুন সংস্কৰণৰ বাহনখন বৰ্তমানৰ ‘জেন’ মডেলৰ আৰ্হিতে হ’ব যদিও ডিজাইনৰ ক্ষেত্ৰত বহু পৰিমাণে ইয়াত সাল-সলনি ঘটোৱা হৈছে।

ডাষ্টাৰৰ নতুন বাহনখনৰ হেড লাইটৰ ডিজাইন পুৰণি বাহনখনৰ ধৰণৰে হ’ব কেবল মাত্ৰ ইয়াত এল ই ডি জি আৰ এল এচ আৰু প্ৰজেক্টৰ সংযোজন কৰা হ’ব।

ডাষ্টাৰৰ নতুন সংস্কৰণত বাহনখনত ভিতৰফালটো আকৰ্ষণীয় কৰি তোলাৰ ক্ষেত্ৰত অধিক গুৰুত্ব দিয়া হৈছে। বাহিৰৰ ধৰণে ভিতৰৰ ফালটো অধিক আকৰ্ষণীয় কৰি তোলাৰ বাবে বিভিন্ন ৰঙত ই উপলব্ধ হ’ব।

এছ য়ু ভি বাহনখন ১.৫ লিটাৰ কে৯কে ক ডিজেল আৰু ১.৫ লিটাৰ পেট্ৰল ইঞ্জিনত উপলব্ধ হ’ব। ২০২০ চনত ডাষ্টাৰ একমাত্ৰ পেট্ৰল ইঞ্জিনতহে উপলব্ধ হ’ব।

মুকলি হ’বলগীয়া ডাষ্টাৰৰ নতুন সংস্কৰণৰ মূল্য ভাৰতীয় গাড়ী বজাৰত উপলব্ধ অন্য একেশাৰীৰৰ বাহনৰ মূল্যৰ ধৰণে হ’ব বুলি আশা কৰা হৈছে।