তিনিচুকীয়াত উত্তৰ-পূব সীমান্ত ৰে’লৱেৰ RPF কনিষ্টবলে বচালে এগৰাকী বৃদ্ধৰ জীৱন

উত্তৰ-পূব সীমান্ত ৰে’লৱেৰ অধীনৰ ৰে’লৱে সুৰক্ষা বাহিনী (RPF)ৰ জোৱানে তিনিচুকীয়াত এগৰাকী বৃদ্ধক এটা ভয়ংকৰ দুৰ্ঘটনাৰ পৰা ৰক্ষা কৰে।

তিনিচুকীয়া ডিভিজনৰ আৰপিএফৰ হেড কনিষ্টবল এ বি শিকদাৰে কৰ্তব্যৰ সময়ত এক দুৰ্দান্ত সাহত তথা তৎপৰতাৰ পৰিচয় দি তিনিচুকীয়া ৰে’ল ষ্টেশ্যনত ১৫৬০৩ গুৱাহাটী-লিডু ইন্টাৰচিটি এক্সপ্ৰেছত উঠা-নমা কৰাৰ সময়ত এগৰাকী বৃদ্ধৰ জীৱন ৰক্ষা কৰে।

যোৱা ১১ ডিচেম্বৰত চিনিচুকীয়া ৰে’ল ষ্টেশ্যনৰ ২ নম্বৰ প্লেটফৰ্মত এই ঘটনাটো সংঘটিত হয়।

বৃদ্ধ মানুহগৰাকীয়ে তেওঁ পাহৰি যোৱা টোপোলা আনিবলৈ চলন্ত ৰে’লত উঠিবলৈ চেষ্টা কৰাৰ সময়তে দুৰ্ঘটনাটো ঘটিবলৈ লৈছিল।

Also Read: Miss Universe 2021:২১ বছৰ প্ৰতীক্ষাৰ অৱসান! ভাৰতৰ হাৰনাজ সান্ধুৰ শিৰত মিছ ইউনিভাৰ্ছৰ খিতাপ

এইদৰে চেষ্টা কৰাৰ সময়তে তেওঁ পিচল খাইছিল আৰু কিছুদূৰলৈ ৰে’লখনৰ সৈতে চুচুৰি গৈছিল।

এই দৃশ্য দেখা পাই হেড কনিষ্টবল এ বি শিকদাৰে তাক্ষণিকভাৱে দৌৰি গৈ তেওঁক ঠেলি পেলাই দিয়ে আৰু ভয়ংকৰ দুৰ্ঘটনাৰ পৰা বৃদ্ধগৰাকীৰ জীৱন ৰক্ষা কৰে।

এই গোটেই ঘটনাটোত দেখা পোৱা দৃষ্টান্তমূলক সাহসিকতাই সকলোকে অনুপ্ৰাণিত কৰে যদিও চিচিটিভি কেমেৰাত ঘটনাটো সঠিকভাৱে ধৰা নপৰিল কিয়নো ঘটনাটো কেমেৰাৰ তলতেই ঘটিছিল যাৰবাবে আংশিকভাৱে সেয়া ধৰা পৰিল। তাতেই অৱশ্যে তেওঁৰ কৰ্তব্য তৎপৰতা তথা সাহসিকতাৰ দুৰ্দান্ত কাৰ্য স্পষ্টভাৱে ধৰা পৰে।

Also Read:Vladimir Putin: অভাৱত পৰি টেক্সি চলাইছিল ৰাছিয়াৰ ৰাষ্ট্ৰপতি ভ্লাডিমিৰ পুটিনে

যাত্ৰীসকলক চলন্ত ৰে’লত উঠা-নমা নকৰিবলৈ অনুৰোধ কৰা হৈছে কিয়নো ই জীৱনৰ বাবে বিপদ কঢ়িয়াই আনিব পাৰে।