নুমলীগড় শোধনাগাৰ আৰু ‘ডিইচিটি’ৰ মাজত বুজাবুজিৰ চুক্তি সম্পাদন
আইটিআই গোলাঘাটক আইটিআই গোলাঘাট-এনআৰএল চেণ্টাৰ অব এক্সিলেন্স হিচাপে গঢ়ি তুলিবলৈ নুমলীগড় শোধনাগাৰ আৰু অসম চৰকাৰৰ নিয়োগ আৰু কাৰিকৰ প্ৰশিক্ষণ সঞ্চালকালয়ৰ (DECT) মাজত কালি এক বুজাবুজিৰ চুক্তি স্বাক্ষৰিত হৈছে। গুৱাহাটীৰ কৰ্প’ৰেট অফিচত এই বুজাবুজিৰ চুক্তি স্বাক্ষৰিত হয় নুমলিগড় শোধনাগাৰৰ চিজিএম (এইচ্চ আৰ)ভাৰপ্ৰাপ্ত দেবাশীষ চৌধুৰী আৰু নিয়োগ আৰু কাৰিকৰ প্ৰশিক্ষণ সঞ্চালকালয়ৰ সঞ্চালক ঋতুৰাজ বৰাৰ মাজত সম্পাদিত হয়। এই চুক্তি সম্পাদন অনুষ্ঠানত উপস্থিত আছিল ছিনিয়ৰ চিচিএম (কৰ্প’ৰেট এফেয়াৰ্ছ) এ কে ভট্টাচাৰ্য আৰু নুমলীগড় শোধনাগাৰৰ বিষয়াবৰ্গ।
বুজাবুজিৰ চুক্তি অনুসৰি, অসম চৰকাৰে গোলাঘাটৰ আইটিআইখনৰ চৌহদটো নুমলীগড় শোধনাগাৰৰ হাতত দীৰ্ঘদিনীয়া লীজত অৰ্পণ কৰিব। এনআৰএলে বৰ্তমানৰ অইটিআই প্ৰতিষ্ঠানটোক এটা চেণ্টাৰ অব এক্সিলেন্স হিচাপে গঢ়ি তুলিব। এই উন্নীতকৃত প্ৰতিষ্ঠানটোৱে অসমৰ লগতে উঃ পূৰ্বাঞ্চলৰ যুৱচামৰ দক্ষতা বৃদ্ধিৰ বাবে উন্নত মানদণ্ডৰ প্ৰশিক্ষণ প্ৰদান কৰিব। ঔদ্যোগিক ক্ষেত্ৰত বিশেষকৈ হাইড্ৰকাৰ্বন খণ্ডত নিয়োজনৰ ক্ষেত্ৰত এই চেণ্টাৰ অব এক্সিলেন্সে সহায় কৰিব।
এনআৰএলৰ কৰ্পৰে’ট সামাজিক দায়বদ্ধতা (CSR) প্ৰকল্প— উত্তৰণৰ অধীনত স্থানীয় শতাধিক যুৱক-যুৱতীক কাটিং, টেইলৰিং, ৱেল্ডিং, নাৰ্ছিং, পেৰামেডিকেল কোৰ্ছ, , বোৱন হস্পিটেলিটী মেনেজমেণ্ট, বাণিজ্যিক অট’মোবাইল মেইণ্টেইনেঞ্চ, চিএনজি অপাৰেশ্যন, ফীটাৰ, বৃদ্ধ বয়সৰ ঘৰুৱা যত্ন, পঞ্চকৰ্ম আয়ুৰ্বেদ আদিৰ প্ৰশিক্ষণ প্ৰদান কৰি অহা হৈছে।
You may also like
বজাৰত শীঘ্ৰে উপলব্ধ হ’ব দেশীয় ভাবে প্ৰস্তুত কোভিড পৰীক্ষাৰ কিট ‘ফেলুদা’
ভাৰতৰ বজাৰত শীঘ্ৰে উপলব্ধে হ’ব দেশীয় ভাবে প্ৰস্তুত কৰা কোভিড পৰীক্ষাৰ পদ্ধতি ‘ফেলুদা’। আজি কেন্দ্ৰীয় স্বাস্থ্য দপ্তৰৰ এগৰাকী মুখপাত্ৰই এই কথা প্ৰকাশ…
মৰিগাঁও কৃষি বিভাগত সীমাহীন দুৰ্নীতি! : ৰবি শস্যৰ বীজ নাপায় ঘৰতে বহি থাকিবলগীয়া হৈছে শ শ কৃষক
দুৰ্নীতিৰ ক্ষেত্ৰত শূণ্য সহনশীলতাৰ প্ৰতিশ্ৰুতিৰে দিছপুৰৰ মছনদ দখল কৰা সৰ্বানন্দ সোণোৱাল নেতৃত্বাধীন মিত্ৰজোঁট চৰকাৰখনে সম্প্ৰতি দুৰ্নীতিৰ ক্ষেত্ৰত উদাৰ মনোভাৱ পোষণ কৰা পৰিলক্ষিত…
চূড়ান্ত এন আৰ চিলৈ মাত্ৰ তিনি দিন; বোকাখাতৰ মহকুমাধিপতিৰ কাৰ্যালয়ত গুৰুত্বপূৰ্ণ সভা
আগন্তুক ৩১ আগষ্টত প্রকাশ পাব লগীয়া ৰাষ্ট্ৰীয় নাগৰিক পঞ্জীৰ চূড়ান্ত তালিকা সন্দৰ্ভত আজি বোকাখাত মহকুমাধিপতি কাৰ্যালয়ৰ সভাকক্ষত এখনি গুৰুত্বপূৰ্ণ সভা অনুষ্ঠিত হয়।…
কাজিৰঙাৰ স্মৃতি সামৰি ইংলেণ্ডলৈ উভতিল প্ৰাক্তন তাৰকা ক্ৰিকেটাৰ কেভিন পিটাৰচেন
অসমৰ জনসাধাৰণৰ গঁড়ৰ সংৰক্ষণৰ প্ৰতি থকা আন্তৰিকতাক প্ৰশংসা কৰে ইংলেণ্ডৰ প্ৰাক্তন তাৰকা ক্ৰিকেটাৰ কেভিন পিটাৰচেনে। গঁড় সংৰক্ষণৰ ক্ষেত্ৰত আফ্ৰিকাই কাজিৰঙাৰ পৰা শিকিব…