NEET Result: ঘোষিত হ’ল চিকিৎসা প্ৰৱেশ পৰীক্ষা, NEET ৰ ফলাফল

ৰাষ্ট্ৰীয় পৰীক্ষা সংস্থা(NTA)ই NEET ২০২১-ৰ ফলাফল আজি ঘোষণা কৰিছে। ভাৰতৰ উচ্চতম ন্যায়ালয়ে বোম্বাই উচ্চ ন্যায়ালয়ৰ ৰায়ত দুজন প্ৰাৰ্থীৰ বাবে নতুন পৰীক্ষাৰ নিৰ্দেশ দিয়াৰ পিছত NTA এ আজি ফলাফল ঘোষণা কৰিছে।

এই বছৰ প্ৰায় ১৬ লাখ প্ৰাৰ্থীয়ে NEET পৰীক্ষাত অৱতীৰ্ণ হৈছিল।

NTAৰ এক বিবৃতি অনুসৰি প্ৰশিক্ষাৰ্থী সকলে লাভ কৰা নম্বৰবোৰ অতি সোনকালেই neet.nta.nic.in উপলব্ধ কৰা হ’ব।

১ আগষ্টত ক’ভিদ-১৯ ৰ দ্বিতীয় ঢৌৰ বাবে প্ৰৱেশ পৰীক্ষা পিছুৱাই দিয়া হৈছিল। অৱশেষত ১২ ছেপ্টেম্বৰত পৰীক্ষা অনুষ্ঠিত হৈছিল।

এই বৰ্ষৰ NEET পৰীক্ষা বিতৰ্কৰ মাজত সোমাই পৰিছিল। বোম্বাই উচ্চ ন্যায়ালয়ে দুজন শিক্ষাৰ্থীৰ বাবে পুনৰ পৰীক্ষাৰ নিৰ্দেশ দিছিল যিয়ে অভিযোগ কৰিছিল যে তেওঁলোকক ভুল প্ৰশ্নকাকত আৰু উত্তৰ পত্ৰ দিয়া হৈছিল। শীৰ্ষ ন্যায়ালয়ে অৱশ্যে কয় যে দুজন প্ৰাৰ্থীৰ বাবে প্ৰায় ১৬ লাখ প্ৰাৰ্থীৰ ফলাফল স্থগিত ৰাখিব নোৱাৰি।

ইয়াৰ পূৰ্বে, ৰাজস্থান আৰু উত্তৰ প্ৰদেশৰ আৰক্ষীয়ে প্ৰাৰ্থীসকলক প্ৰশ্ন সমাধান কৰাত সহায় কৰা কেইবাজনো নিৰীক্ষকক গ্ৰেপ্তাৰ কৰিছিল।

ইয়াৰ পাছতে বহু প্ৰাৰ্থীয়ে ভাৰতৰ উচ্চতম ন্যায়ালয়ত পৰীক্ষা নিৰপেক্ষ আৰু স্বচ্ছ ভাৱে অনুষ্ঠিত কৰা হোৱা নাছিল বুলি আবেদন দাখিল কৰিছিল।

তেওঁলোকে পৰীক্ষাটো বাতিল কৰি পুনৰ অনুষ্ঠিত কৰিবলৈ আবেদন জনাইছিল। অৱশ্যে উচ্চতম ন্যায়ালয়ে এই আবেদন নাকচ কৰিছিল।