নিৰ্ভয়া কাণ্ডৰ তদন্তৰ নেতৃত্ব দিয়া ছায়া শৰ্মাক দিল্লী আৰক্ষীৰ যুটীয়া আয়ুক্ত হিচাপে নিযুক্ত
২০১২ চনৰ সমগ্ৰ দেশ কঁপাই যোৱা নিৰ্ভয়া দলবদ্ধ ধৰ্ষণৰ নিৰ্মম ঘটনাৰ তদন্তৰ নেতৃত্ব দিয়া আৰু কেন্দ্ৰীয় সতৰ্কতা আয়োগৰ সঞ্চালক হিচাপে কাৰ্যনিৰ্বাহ কৰি থকা ভাৰতীয় আৰক্ষী সেৱাৰ বিষয়া ছায়া শৰ্মাক মঙলবাৰে জাৰি কৰা এক চৰকাৰী নিৰ্দেশ অনুসৰি দিল্লী আৰক্ষীৰ যুটীয়া আয়ুক্ত (অৰ্থনৈতিক অপৰাধ শাখা) হিচাপে নিযুক্তি দিয়া হৈছে।
যোৱা বৰ্ষৰ ২৭ জুলাইত তেখেতক কেন্দ্ৰীয় সতৰ্কতা আয়োগৰ সঞ্চালক হিচাপে নিযুক্তি দিয়া হৈছিল।
উল্লেখ্য যে ২০১২ চনত দিল্লীৰ আৰক্ষী উপায়ুক্ত হিচাপে কাৰ্যনিৰ্বাহ কৰি থাকোঁতে নিৰ্মম নিৰ্ভয়া দলবদ্ধ ধৰ্ষণৰ গোচৰৰ তদন্তৰ নেতৃত্ব দিছিল।
মহিলা আৰক্ষী বিষয়াৰ ভূমিকা পুনৰ সংজ্ঞায়িত কৰাৰ বাবে তেওঁক ২০১৯ এছিয়া চছাইটি গেম চেঞ্জাৰ বঁটাৰ বাবে বাছনি কৰা হৈছিল।
AGMUT কেডাৰৰ ১৯৯৯ বৰ্ষৰ IPS বিষয়া ছায়া শৰ্মাই ৰাষ্ট্ৰীয় মানৱ অধিকাৰ আয়োগত ডিজিআই হিচাপেও কাৰ্যনিৰ্বাহ কৰিছে।