গুৱাহাটী মহানগৰীত ৬৫ বছৰীয়া বৃদ্ধই যৌন নিৰ্যাতন চলালে ১২ বছৰীয়া কিশোৰীক

গুৱাহাটী মহানগৰীত পুনৰ ঘটিল সভ্য সমাজক লজ্জিত কৰা ঘটনা।

পুনৰ এবাৰ সভ্য সমাজক লজ্জিত কৰা ঘটনা ঘটিছে হৈছে মহানগৰীৰ গুৱাহাটীত।

৬৫ বছৰীয়া বৃদ্ধৰ কামনাৰ বলি হ’ল এগৰাকী ১২ বছৰীয়া কিশোৰী । উত্থাপিত অভিযোগ অনুসৰি বামুনীমৈদাম ৰে’লৱে কলনীৰ বাসিন্দা ৰতন দত্তই ১২ বছৰীয়া কিশোৰীগৰাকীক যৌন নিৰ্যাতন চলায়।

ৰতন দত্ত পেছাত এজন কণী ব্যৱসায়ী বুলি জানিব পৰা গৈছে।

বামুনীমৈদামৰ আৰ পি এফ খেলপথাৰৰ সমীপত দীৰ্ঘদিন ধৰি ৰতন দত্তই টকা আৰু কণী দিয়াৰ প্ৰলোভনেৰে কিশোৰীগৰেকীক যৌন নিৰ্যাতন চলাই অহাৰ অভিযোগ উত্থাপিত হৈছে।

ভাস্কৰ নগৰৰ বীৰাংগনা মহিলা সমিতিৰ অনুসন্ধানত পোহৰলৈ আহিছে সমগ্ৰ ঘটনাটো।

অভিযোগ অনুসৰি মহিলা সমিতিৰো মুখ বন্ধ কৰাৰ কৰাৰ চেষ্টা কৰিছিল ৰতন দত্তই।

ঘটনা সন্দৰ্ভত গীতানগৰ আৰক্ষী থানাত দাখিল কৰা হৈছে অভিযোগ।

ৰতন দত্তক ৰাস্তাৰ কাষৰ খুটাত বান্ধি থয় মহিলা সমিতিয়ে।

ঘটনাক লৈ অঞ্চলটোত সৃষ্টি হৈছে তীব্ৰ উত্তেজনাৰ। ঘটনাস্থলীত উপস্থিত গীতানগৰ আৰক্ষী উপস্থিত হৈ অভিযুক্ত লোক জনক থানালৈ লৈ যায়।