অৰুণাচলত অনুষ্ঠিত হ’ব দুঃসাহসী অভিযান আৰু সংগীতৰ মহোৎসৱ ‘অফাম’
অৰুণাচলত ৫ম অৰেঞ্জ ফেষ্টিভেল অব এডভেঞ্চাৰ এণ্ড মিউজিক অৰ্থাৎ ‘অফাম’ অনুষ্ঠিত কৰাৰ আয়োজন কৰা হৈছে। অৰুণাচলৰ নামনি ডিবাং উপত্যকা জিলাৰ অন্তৰ্গত দামবুকত ডিচেম্বৰৰ ১৫-১৮ তাৰিখে এই মহোৎসৱ অনুষ্ঠিত কৰা হ’ব।
চাৰিদিনীয়া এই দুঃসাহসী অভিযান আৰু সাংগীতিক সমাৰোহৰ উদ্বোধন কৰিব অৰুণাচলৰ মুখ্য মন্ত্ৰী পেমা খাণ্ডুৰ লগতে উপ মুখ্য মন্ত্ৰী চাওনা মেইন আৰু জেকে টায়াৰ্ছ এণ্ড ইণ্ডাষ্ট্ৰিজৰ মেনেজিং ডাইৰেক্টৰ বিক্ৰম মালহোত্ৰাই।
‘দ্য অৰুণাচল টাইমছ’ত প্ৰকাশিত এটা প্ৰতিৱেদনত কোৱা হৈছে যে ‘অফাম’ মহোৎসৱত ছুইডিছ বেণ্ড ‘থাণ্ডাৰ মাডাৰ’, আইৰন মেইডেনছ আদিয়ে অংশগ্ৰহণ কৰিব।
নেপালৰ ইণ্ডি পপ মিউজিচিয়ান বিপুল চেত্ৰী, জাৰ্মানিৰ লিডিয়া হেনৰিকিয়া, আমেৰিকাৰ ব্লুগ্লাছ জাৰ্নিমেন আদিয়ে এই অনুষ্ঠানত অংশগ্ৰহণ কৰিব।
অফামৰ পৰিচালক আবু টায়েঙে কৈছে যে এই বছৰৰ উৎসৱৰ সময়চোৱাত দামবুকত মহিন্দ্ৰাই তেওঁলোকৰ ‘লিভ য়ং, লিভ ফ্ৰী’ প্ৰচাৰ অভিযান চলাব।
পশ্চিম কামেং জিলাৰ ডিৰাঙৰ নেশ্যনেল ইন্সটিটিউট অব মাউণ্টেনিয়াৰিং এণ্ড এলাইড স্পৰ্টছক হোৱাইট ৱাটাৰ ৰাইডিং, ডাৰ্ট চাইক্লিং, এটিভি ৰাইডছ, পেৰাছেইলিং, পেৰামটৰিং, পেৰাগ্লাইডিং, স্কুবা ডাইভিং আদি দুঃসাহসী ক্ৰীড়াশৈলী প্ৰদৰ্শন কৰাৰ বাবে আমন্ত্ৰণ কৰা হৈছে।
আটাইতকৈ দুঃসাহসী ক্ৰীড়া শৈলী হ’ব অৰেঞ্জ ৪×৪ ফিউৰি আৰু এই ক্ৰীড়াশৈলী প্ৰদৰ্শন কৰা হ’ব ৰাজ্যখনৰ গভীৰ বৰ্ষাৰণ্যত।
এই দুঃসাহসী ক্ৰীড়া আৰু সংগীত মহোৎসৱত প্ৰতিযোগীসকলে তীব্ৰ প্ৰতিদ্বন্দ্বিতাৰ মুখামুখি হ’ব। অৰেঞ্জ ৪×৪ ফিউৰিত লণ্ডন, ডুবাই আৰু আমেৰিকাৰ ৭গৰাকী প্ৰৱাসী ভাৰতীয়ৰ সহ মুঠ ৩০ গৰাকী অফ-ৰ’ডাৰে অংশগ্ৰহণ কৰিব। মহোৎসৱত দৰ্শনাৰ্থীৰ বাবে প্ৰৱেশমূল্য আৰু খাদ্য সামগ্ৰীৰ মূল্য নিম্নতম হ’ব বুলি অফামৰ পৰিচালকগৰাকীয়ে জনাইছে।
You may also like
চিকিৎসক ঈশ্বৰৰ দেৱদূত; ছচিয়েল মিডিয়াত ভাইৰেল চিকিৎসকৰ ‘দশভূজা’ ৰূপ
কৰ’না মহামাৰীৰ সময়ত সমগ্ৰ বিশ্বৰ জনসাধাৰণে যেন ভালদৰে বুজি উঠিছে যে চিকিৎসক হৈছে ঈশ্বৰৰ দেৱদূত। কৰ’না সংক্ৰমণৰ আশংকাকো আওকাণ কৰি চিকিৎসক, নাৰ্চ…
গুৱাহাটীৰ ১৪টা স্থানত চলিছে চি বি আইৰ সমান্তৰাল অভিযান
মালিগাঁৱৰ উত্তৰ-পূব সীমান্ত ৰে’লৱে’ মুখ্য কাৰ্য্যালয়ত সংঘটিত ১৫৮ কোটি টকীয়া কেলেংকাৰি সন্দৰ্ভত বৃহস্পতিবাৰে গুৱাহাটীৰ ১৪টা স্থানত চি বি আই-এ তালাচী চলাইছে। সূত্ৰসমূহে…
উত্তৰ-পূবক প্ৰশাসনিকভাৱে পঙ্গু কৰিছে কেন্দ্ৰই
অসমৰ পৰা বহু ৰাজহুৱা প্ৰতিষ্ঠানৰ কাৰ্য্যালয় বহিঃৰাজ্যলৈ স্থানান্তৰণেৰে কেন্দ্ৰই উত্তৰ-পূবক প্ৰশাসনিকভাৱে পংগু কৰিব খোজা বুলি অভিযোগ উত্থাপন কৰিছে অসম সংগ্ৰামী মঞ্চই। ভাৰতীয়…
ভংগ হ’ল ১৬৪ বছৰীয়া অভিলেখ : চেৰাপুঞ্জীয়ে হেৰুৱালে ভাৰতৰ আদ্ৰতম স্থানৰ খিতাপ
চেৰাপুঞ্জীয়ে হেৰুৱালে ১৬৪ বছৰীয়া অভিলেখ। মেঘালয়ৰ চেৰাপুঞ্জী আৰু কাষৰীয়া মৌচিনৰামে হেৰুৱালে ভাৰতৰ আদ্ৰতম স্থানৰ খিতাপ। চলিত বৰ্ষৰ বাৰিষাত এই খিতাপ হেৰুৱাইছে চেৰাপুঞ্জী…