অসমত আম আদমী পাৰ্টিৰ শক্তি প্ৰদৰ্শন; ডিব্ৰুগড়ত ৫০০০ৰো অধিকৰ আপত যোগদান

এক বৃহৎ ৰাজনৈতিক চমক সৃষ্টি কৰি দেওবাৰে ডিব্ৰুগড়ত আম আদমী পাৰ্টিত ৫০০০ ৰো অধিক লোকে যোগদান কৰে।

আপে উজনি অসমত, বিশেষকৈ চাহ বাগিচা অঞ্চলত ইয়াৰ ভেটি সম্প্ৰসাৰিত কৰিবলৈ চেষ্টা কৰি আছে। শেহতীয়াকৈ অসমত ৰাষ্ট্ৰীয় দলৰ বহু নেতাই  আপত যোগদান কৰিছে।  

লাহোৱালত অনুষ্ঠিত যোগদান অনুষ্ঠানত দলৰ নেতা মনোজ ধনোৱাৰৰ উপস্থিতিত বিজেপি, কংগ্ৰেছ, অগপ, ৰাইজৰ দল, অসম জাতীয় পৰিষদ আৰু অসম চাহ মজদুৰ সংঘৰ বহু সংখ্যক সদস্যই আপত যোগদান কৰে।

যোৱা ২মে’ত প্ৰাক্তন কংগ্ৰেছ নেতাজনে নতুন দিল্লীত কেইবাজনো ৰাইজৰ দলৰ নেতাৰ সৈতে আপত যোগদান কৰিছিল।

আপত যোগদান কৰাৰ কেইমাহমান পূৰ্বে তেওঁ অসম আৰু ইয়াৰ জনসাধাৰণৰ সৈতে সম্পৰ্কিত গুৰুত্বপূৰ্ণ বিষয়সমূহত মতভেদৰ কথা উল্লেখ কৰি চাহ মজদুৰ কংগ্ৰেছৰ অধ্যক্ষ পদৰ পৰা পদত্যাগ কৰিছিল।

এগৰাকী আপৰ নেতাই কয়, “মানুহে আন দলৰ ওপৰত বিশ্বাস হেৰুৱাই পেলোৱাৰ পিছত আপ বিকল্প হিচাপে উঠি আহিছে। নতুনকৈ যোগদান কৰা সদস্যসকলৰ মাজত আপকলৈ থকা আশা, বিশ্বাস আৰু আবেগ অবিশ্বাস্য। কেৱল আন দলৰ সদস্যই নহয়, আমাৰ ইয়াত আজি  শিক্ষাদান, আইন, ব্যৱসায় আৰু বাণিজ্যৰ দৰে প্ৰতিটো বৃত্তিৰ সৈতে জড়িত লোকে যোগদান কৰিছে। এইটো কেৱল আৰম্ভণিহে।”