কোভিশ্বিল্ডৰ বাবে কন্যাৰ মৃত্যুৰ অভিযোগত ভেকচিন নিৰ্মাতাৰ বিৰুদ্ধে ব্যৱস্থা গ্ৰহণ অভিভাৱকৰ

২০২১ চনৰ জুলাই মাহত কোভিশ্বিল্ড ডোজ লোৱাৰ পিছত মৃত্যু হোৱা বুলি ধাৰণা কৰা  এগৰাকী কন্যাৰ পিতৃ-মাতৃয়ে এতিয়া ইয়াৰ নিৰ্মাতা ছেৰাম ইনষ্টিটিউট অফ ইণ্ডিয়াৰ বিৰুদ্ধে গোচৰ তৰিবলৈ লৈছে।

ভেকচিন বিক্ৰী কৰা ব্ৰিটিছ ফাৰ্মা এষ্ট্ৰাজেনেকাই এই বেজীটোৱে তেজ জমা হোৱাৰ লগতে প্লেটলেটৰ সংখ্যা কম হোৱাকে ধৰি অস্বাভাৱিক বিৰল পাৰ্শ্বক্ৰিয়াৰ সৃষ্টি কৰিব পাৰে বুলি আদালতত কোৱাৰ পিছতে এই কাণ্ড সংঘটিত হৈছে।

লগতে পঢ়কঃ কোভিশ্বিল্ডৰ পাৰ্শ্বক্ৰিয়া কিমান বিপদজনক? বিশেষজ্ঞ পেনেল গঠনৰ আবেদন উচ্চতম ন্যায়ালয়ত

কোভিশ্বিল্ডৰ টিকা লোৱাৰ ঠিক পিছতেই ২০২১ চনৰ জুলাই মাহত ভেনুগোপালন গোবিন্দনৰ কন্যা কাৰুণ্যৰ মৃত্যু হয়। কিন্তু চৰকাৰে গঠন কৰা ৰাষ্ট্ৰীয় সমিতিখনে উল্লেখ কৰিছিল যে ভেকচিনৰ ফলত তেওঁৰ অকাল মৃত্যু হোৱা বুলি প্ৰমাণ কৰিবলৈ প্ৰমান পৰ্যাপ্ত নহয়।

ইপিনে, আৰু কেইগৰাকীনমান অভিভাৱকে প্ৰশাসনক দোষাৰোপ কৰি নিজৰ সন্তানৰ মৃত্যুৰ বাবে আদালতলৈ যোৱাৰ বাবে ফাৰ্মা কোম্পানীটোৱে অধিক আইনী ব্যৱস্থাৰ সন্মুখীন হ’বলগীয়া হৈছে।

লগতে পঢ়কঃ কোভিড ভেকচিনৰ প্ৰমাণ পত্ৰৰ পৰা আঁতৰিল প্ৰধানমন্ত্ৰী মোডীৰ ফটো; কিয় দিয়া হ’ল আঁতৰাই?

ব্ৰিটেইনত এষ্ট্ৰাজেনেকাই ক্লাছ একচন গোচৰৰ সন্মুখীন হৈ থকাৰ সময়তে সুৰক্ষাজনিত চিন্তাৰ বাবে এষ্ট্ৰাজেনেকা-অক্সফৰ্ড ভেকচিনৰ প্ৰয়োগ বন্ধ কৰি দিয়ে। অৱশ্যে কেইবাটাও অধ্যয়নত কভিড-১৯ৰ বিৰুদ্ধে যুঁজ দিয়াত ইয়াৰ কাৰ্যকাৰিতাও প্ৰমাণিত হৈছে।