চলন্ত ৰে’লত ভয়ংকৰ অগ্নিকাণ্ড, ধোঁৱাৰে আবৃত দুটাকৈ দবা, ভাইৰেল ভিডিঅ’

আন এক ৰে’ল ভয়ংকৰ দুৰ্ঘটনা সংঘটিত হৈছে। বুধবাৰে আগ্ৰাত এখন ৰে’লৰ দুটা ডবাত অগ্নিকাণ্ড সংঘটিত হয়। অৱশ্যে আন ডবালৈ জুই বিয়পি পৰাৰ পূৰ্বে ৰে’লখন ৰখাই দিয়া হয়।

তাৰ পাছতে যাত্ৰীসকলক নিৰাপদে উলিয়াই অনা হয়। ভাৰতীয় ৰে’লৱেৰ সূত্ৰ অনুসৰি এই ঘটনাত কোনো ধৰণৰ ক্ষতি হোৱা নাই। অৱশ্যে ৰে’ল কক্ষত ভয়ংকৰ অগ্নিকাণ্ডৰ ভিডিঅ’ নেট জগতত বিয়পি পৰিছে।

প্ৰকাশ পোৱা মতে, বুধবাৰে বিয়লি প্ৰায় ৪:৪৫ বজাত ৰে’লখনত অগ্নিকাণ্ড সংঘটিত হয়। পাঞ্জাৱৰ ফিৰোজপুৰৰ পৰা মধ্যপ্ৰদেশৰ ছিওনীলৈ ৰাওনা হোৱা পাটলকোট এক্সপ্ৰেছৰ ডবাটোৰ পৰা হঠাতে ধোঁৱা নিৰ্গত হয়।

Fire broke out in two coaches of Patalkot Express (14624) going from Firozpur in Punjab to Seoni in Madhya Pradesh near Bhadai railway station of Malpura Police Station in Agra. Further details awaited.

— ANI (@ANI) October 25, 2023

ঘটনাৰ সময়ত ৰে’লখন আগ্ৰা ষ্টেচনৰ সমীপতে আছিল। লগে লগে ৰে’লখন ৰখাই যাত্ৰীক উদ্ধাৰৰ কাম আৰম্ভ হয়। ৰে’লৱেৰ সূত্ৰই জনোৱা মতে, আটাইসকল যাত্ৰীকে নিৰাপদে উদ্ধাৰ কৰা হৈছে।

চলন্ত ৰে’লখনত অগ্নিকাণ্ডৰ কাৰণ এতিয়াও জানিব পৰা হোৱা নাই। যদিও দুৰ্ঘটনা সন্দৰ্ভত ৰে’লৱেই এক বিবৃতি জাৰি কৰিছিল, তথাপিও অগ্নিকাণ্ডৰ কাৰণ সন্দৰ্ভত কোনো তথ্য সদৰী কৰা নাই।

ৰে’লৱেৰ এক বিবৃতিত কোৱা হৈছে যে জ্বলি যোৱা দবাবোৰ ৰে’লৰ পৰা পৃথক কৰি ৰখা হৈছে। অৱশ্যে অগ্নিকাণ্ডত কোনো ধৰণৰ ক্ষতি হোৱা নাই।