মৃত্যু বাৰ্ষিকীৰ দিনাই নিজ জন্মস্থানত উপেক্ষিত জননেতা তথা প্ৰাক্তন মুখ্যমন্ত্রী প্ৰয়াত শৰৎ চন্দ্র সিংহ

মৃত্যু বাৰ্ষিকীৰ দিনাই নিজ জন্মস্থানত উপেক্ষিত হ’ল জননেতা তথা বৰ্ষীয়ান ৰাজনীতিবিদ ৰাজ্যৰ প্ৰাক্তন মুখ্যমন্ত্রী প্ৰয়াত শৰৎ চন্দ্র সিংহ।

জননেতাগৰাকীৰ জন্মস্থান চাপৰ নগৰত তিনিটা স্থানত তিনিটাকৈ প্ৰতিমূৰ্তি স্থাপন কৰা হৈছে যদিও এটা প্ৰতিমূৰ্তিত দেখা নগ’ল এগছি বন্তি, এপাহ ফুলো ।

সকলো দল-সংগঠনৰ লগতে প্ৰশাসনে যেন পাহৰি গ’ল জননেতাগৰাকীৰ আজি মৃত্যু বাৰ্ষিকী।

জননেতাগৰাকীৰ স্মৃতিক অৱজ্ঞা কৰা ঘটনাক সহজভাবে লব পৰা নাই স্থানীয় সচেতন মহলে।

কিন্তু কয়ি পাহৰি যোৱা হ’ল নীতি আৰু আদৰ্শৰ প্ৰতীক শৰৎ চন্দ্ৰ সিংহক? এই প্ৰশ্নই এতিয়া ক্ৰিয়া কৰিছে বহুতৰে মনত।

অথচ শৰৎ চন্দ্ৰ সিংহৰ প্ৰতিবাদী  সত্ত্বাক আলম কৰিয়েই  চাপৰ-শালকোচাত চলি আছে অন্যায়ৰ বিৰুদ্ধে ৰাইজৰ প্ৰতিবাদ।

সেই সংগঠনসমূহেও পাহৰি গ’ল আজি তেওঁৰ মৃত্যু তিথিৰ কথা।